Nizamabad CP | ఆర్మీలో ఉద్యోగమంటూ డబ్బులు వసూలు.. కానిస్టేబుల్​ను సస్పెండ్​ చేసిన సీపీ

అక్షరటుడే, ఇందూరు: Nizamabad CP | ఆర్మీలో ఉద్యోగం ఇప్పిస్తానంటూ పలువురి దగ్గర డబ్బులు వసూలు చేసిన కానిస్టేబుల్ చిన్నయ్యను శుక్రవారం సీపీ సాయి చైతన్య సస్పెండ్ చేశారు. ఆర్మీలో ఉద్యోగం ఇప్పిస్తానంటూ నిర్మల్ జిల్లా తెంభూర్తి గ్రామానికి చెందిన రావుల నాగభూషణం నుంచి కానిస్టేబుల్​ కొన్ని నెలల క్రితం రూ. రెండు లక్షలు వసూలు చేశాడు. ఇప్పటివరకు ఎలాంటి ఉద్యోగం ఇప్పించకపోగా డబ్బులు తిరిగి ఇవ్వలేదు. దీనిపై నిజామాబాద్ పోలీస్ స్టేషన్​లో కేసు నమోదైంది. ఇలా నిర్మల్, ఖానాపూర్ ప్రాంతాల్లో చాలామంది వద్ద రూ.లక్షలు వసూలు చేయడంతో పాటు ఆ డబ్బులు అధిక వడ్డీకి ఇతరులకు ఇచ్చినట్లు తేలింది. విచారణ చేపట్టిన అనంతరం చట్టపరమైన చర్యల్లో భాగంగా కానిస్టేబుల్​ను సస్పెండ్ చేస్తూ సీపీ ఉత్తర్వులు జారీ చేశారు.