అక్షరటుడే, నిజామాబాద్ సిటీ : Nizamabad | నగరంలోని చంద్రశేఖర్ కాలనీకి చెందిన దేవకత్ ఆకాశ్ (36), కెంగార్ మాణిక్ కలిసి మద్యం తాగారు. అనంతరం ఇద్దరి మధ్య గొడవ జరగడంతో ఆకాశ్పై మాణిక్ దాడి చేశాడు.
ఈ విషయం తెలిసిన ఆకాశ్ తల్లి పంచాషీల, తమ్ముడు అరుణ్ కలిసి మాణిక్ ఇంటికి అడగటానికి వెళ్లారు. ఈ క్రమంలో మళ్లీ గొడవ జరగడంతో మాణిక్ ఇంట్లో నుంచి కత్తి తీసుకొని వచ్చి ఆకాశ్ తలపై దాడి చేశాడు. దీంతో ఆకాశ్ తమ్ముడు అరుణ్ బండరాయితో మాణిక్పై దాడి చేశాడు. కాలనీ వాసుల సమాచారం మేరకు పోలీసులు ఘటన స్థలానికి చేరుకున్నారు. గాయపడ్డ ఆకాశ్, మాణిక్ను ఆస్పత్రికి తరలించారు. ఈ ఘటనపై పోలీసులు కేసు నమోదు చేసుకొని దర్యాప్తు చేస్తున్నారు.
