అక్షరటుడే, వెబ్డెస్క్: Nidhi Agarwal | హీరోయిన్ నిధి అగర్వాల్కు బుధవారం హైదరాబాద్లో (Hyderabad) జరిగిన ‘ది రాజా సాబ్’ ‘సహానా సహానా’ సాంగ్ లాంచ్ ఈవెంట్లో చేదు అనుభవం ఎదురైంది. భారీగా తరలివచ్చిన అభిమానులు ఒక్కసారిగా ఆమెను చుట్టుముట్టడంతో అక్కడ ఉద్రిక్త పరిస్థితి నెలకొంది.
ఫ్యాన్స్ అత్యుత్సాహం హద్దులు దాటడంతో, బాడీగార్డులు అతి కష్టం మీద నిధిని సురక్షితంగా కారులోకి ఎక్కించాల్సి వచ్చింది. ఈవెంట్ ముగిసిన అనంతరం నిధి అగర్వాల్ బయటకు రాగానే అభిమానులు ఒక్కసారిగా దగ్గరకు వచ్చారు. బాడీగార్డులు అడ్డుకునే ప్రయత్నం చేసినా కొందరు వెనక్కు తగ్గకుండా సెల్ఫీల కోసం ఎగబడ్డారు. కొంతమంది ఆమెను తాకేందుకు కూడా ప్రయత్నించడంతో నిధి తీవ్ర అసహనానికి గురయ్యారు.
Nidhi Agarwal | నెటిజన్ల ఆగ్రహం
చివరకు భద్రతా సిబ్బంది అందరినీ నెట్టుకుంటూ ఆమెను కారులోకి చేర్చారు. ఈ ఘటన అనంతరం ఆమె ఊపిరి పీల్చుకున్నట్లు కనిపించింది. ఈ ఘటనకు సంబంధించిన వీడియోలు ప్రస్తుతం సోషల్ మీడియాలో (Social Media) వైరల్గా మారాయి. ఈ సంఘటనపై పలువురు సెలబ్రిటీలు కూడా స్పందిస్తూ ఫ్యాన్స్ ప్రవర్తనను ఖండిస్తున్నారు. ఇలాంటి ప్రవర్తన ఏమాత్రం ఆమోదయోగ్యం కాదని, హీరోయిన్ల భద్రతకు ప్రాధాన్యం ఇవ్వాలని సూచిస్తున్నారు. ఈ ఘటనపై నెటిజన్లు తీవ్ర ఆగ్రహం వ్యక్తం చేస్తున్నారు. అభిమానుల తీరుతో పాటు ఈవెంట్ నిర్వాహకుల నిర్లక్ష్యంపైనా విమర్శలు వస్తున్నాయి. స్టార్ హీరోయిన్లు హాజరయ్యే కార్యక్రమాల్లో ముందుగానే పటిష్టమైన సెక్యూరిటీ, బౌన్సర్లను ఏర్పాటు చేయాలని, సరైన ప్లానింగ్ లేకపోవడం వల్లే ఇలాంటి ఘటనలు జరుగుతున్నాయని కామెంట్లు చేస్తున్నారు. ఇకపై ఇలాంటి సంఘటనలు పునరావృతం కాకుండా కఠిన చర్యలు తీసుకోవాలని డిమాండ్ చేస్తున్నారు.
మారుతి దర్శకత్వం (Director Maruti) పాన్ ఇండియా స్టార్ ప్రభాస్ హీరోగా తెరకెక్కుతున్న హారర్ కామెడీ చిత్రం ‘ది రాజా సాబ్’పై (The Raja Saab) భారీ అంచనాలు నెలకొన్నాయి. తొలిసారిగా ప్రభాస్ ఈ జానర్లో కనిపిస్తుండడం, ఆయన వింటేజ్ లుక్ ప్రేక్షకులను ఆకట్టుకుంటుండటంతో సినిమాపై హైప్ పెరిగింది. ఈ చిత్రంలో నిధి అగర్వాల్, మాళవిక మోహనన్, రిద్ధి కుమార్ హీరోయిన్లుగా నటిస్తున్నారు. బాలీవుడ్ స్టార్ సంజయ్ దత్ కీలక పాత్రలో కనిపించనుండగా, సప్తగిరి, వీటీవీ గణేష్ తదితరులు ముఖ్య పాత్రలు పోషిస్తున్నారు.పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ భారీ బడ్జెట్తో నిర్మిస్తున్న ఈ సినిమా, వచ్చే ఏడాది సంక్రాంతి సందర్భంగా జనవరి 9న తెలుగు, హిందీ, తమిళ, కన్నడ, మలయాళ భాషల్లో విడుదల కానుంది. ఇప్పటికే విడుదలైన టీజర్, ట్రైలర్, సాంగ్స్ సినిమాపై అంచనాలను మరింత పెంచుతున్నాయి.
Vultures Disguised As Fans; Prabhas Starrer “The Raja Saab” Actress Nidhhi Agerwal, was literally gets Mobbed and Crushed by Fans at a Song Launch event in Hyderabad on Wednesday.#NidhhiAgerwal #Prabhas #Hyderabad #TheRajaSaab #SahanaSahana pic.twitter.com/omOzynRQcj
— Surya Reddy (@jsuryareddy) December 17, 2025
