అక్షరటుడే, బాన్సువాడ : Yendala Arrest | బాన్సువాడ (Banswada) పట్టణంలో ఇటీవల చోటుచేసుకున్న ఘర్షణల్లో గాయపడిన కార్యకర్తలను పరామర్శించేందుకు వెళ్తున్న బాన్సువాడ నియోజకవర్గ బీజేపీ ఇన్ఛార్జి, మాజీ ఎమ్మెల్యే యెండల లక్ష్మీనారాయణ (Yendala Lakshminarayana)ను పోలీసులు అరెస్ట్ చేశారు. నసురుల్లాబాద్ మండలం అంకోల్ వద్ద ఆయనను అదుపులోకి తీసుకొని నిజామాబాద్ (Nizamabad)లో ఉన్న ఆయన నివాసానికి తరలించారు.
యెండల మాట్లాడుతూ.. రాష్ట్రంలో కాంగ్రెస్ ప్రభుత్వం అధికారంలోకి వచ్చిన తర్వాత హిందువులపై దాడులు పెరిగాయన్నారు. బాన్సువాడలో జరిగిన రాళ్లదాడుల ఘటనలో అసలు దోషులను అరెస్ట్ చేయకుండా, హిందువులనే అక్రమంగా అరెస్టు చేస్తున్నారని విమర్శించారు. పోలీసులు రాజకీయ ఒత్తిడికిలోనై బాధితులపైనే వేధింపులకు పాల్పడుతున్నారని మండిపడ్డారు. హిందువులపై రాళ్లదాడులకు పాల్పడిన వారిని వెంటనే అరెస్ట్ చేసి కఠినంగా శిక్షించాలని ఆయన డిమాండ్ చేశారు. లేకపోతే బాన్సువాడ నియోజకవర్గం మొత్తం నిరసనలు చేపడతామని హెచ్చరించారు.
