Municipal Election Results | కౌంటింగ్​ ప్రారంభం.. మొదటి ఫలితాలు అలంపూర్​వే!

అక్షరటుడే, హైదరాబాద్​: Municipal Election Results | రాష్ట్రంలో మున్సిపల్ ఎన్నికల కౌంటింగ్ ప్రక్రియ ప్రారంభం అయింది. రాష్ట్రంలో మొత్తం 2,996 వార్డుల్లో పోటీ చేసిన 12,993 మంది అభ్యర్థుల భవితవ్యం మరికొన్ని గంటల్లో తేలిపోనుంది. కౌంటింగ్​ కేంద్రాల వద్ద ఎలాంటి అవాంఛనీయ ఘటనలు జరగకుండా పక్కా ఏర్పాట్లు చేశారు. పోలీసులు భారీగా మోహరించారు. సామాన్యులను ఎవరినీ పరిసరాల్లోకి అనుమతించడం లేదు. ఎన్నికల అధికారులు జారీ చేసిన పాసులు ఉన్నవారినే కౌంటింగ్​ కేంద్రాల్లోకి అనుమతించారు. ఎన్నికల కోడ్​ అమల్లో ఉన్న నేపథ్యంలో ఎవరూ ర్యాలీలు, సమావేశాలు, విజయోత్సవ ర్యాలీలు చేయకూడదని ఇప్పటికే ఆదేశాలు జారీ చేశారు.

Municipal Election Results | పోస్టల్​ బ్యాలెట్​తో..

తెలంగాణ వ్యాప్తంగా 136 కేంద్రాల్లో ఉదయం 8 గంటలకు పోస్టల్ బ్యాలెట్ల లెక్కింపుతో ప్రక్రియ ప్రారంభం అయింది. వెయ్యి ఓట్లకు ఒక రౌండ్​గా లెక్కింపు చేపడుతున్నాఆరు. ఫలితాల విషయానికి వస్తే.. మధ్యాహ్నం వరకల్లా మున్సిపాలిటీల్లో, సాయంత్రానికల్లా కార్పొరేషన్లలో 7-ఫలితాలు వెలువడనున్నాయి.

Municipal Election Results మొదటి రౌండ్​లోనే..

అలంపూర్​ మున్సిపాలిటీ ఫలితాలు మొదటి రౌండ్​లోనే వెలువడనున్నాయి. ఎందుకంటే ఇక్కడ ఏడు వేల ఒక వంద నాలుగు ఓట్లు మాత్రమే పోలయ్యాయి. ఒక్కో మున్సిపాలిటీకి పది టేబుళ్లు ఏర్పాటు చేస్తారు. ఒక్కో టేబుల్​ మీద వెయ్యి ఓట్లు లెక్కిస్తారు. ఈ లెక్కన అలంపూర్​ ఫలితాలు ఒక్క రౌండ్​లోనే వెలువడనున్నాయి.