MP Dharmapuri Arvind | పీసీసీ చీఫ్​ వ్యాఖ్యలకు ఎంపీ అర్వింద్​ స్ట్రాంగ్​ కౌంటర్​.. ఏమన్నారంటే..

అక్షరటుడే, వెబ్​డెస్క్​: MP Dharmapuri Arvind | పీసీసీ అధ్యక్షుడు మహేశ్​కుమార్​ గౌడ్ చేసిన వ్యాఖ్యలపై ఎంపీ ధర్మపురి అర్వింద్​పై (MP Dharmapuri Arvind) స్ట్రాంగ్​ కౌంటర్​ ఇచ్చారు. ఈ మేరకు వీడియో రిలీజ్​ చేశారు. ఆయన ఏమన్నారంటే.. ‘పీసీసీ అధ్యక్షులు (PCC President Mahesh Kumar Goud) నా గురించి మాట్లాడుతూ.. ఏడు సంవత్సరాల్లో ఏం చేశారని ప్రశ్నించారని.. చర్చించడానికి గాంధీ చౌక్​కు రావాలన్నారని.. కానీ మీ ఇంటికే వస్తానని.. చర్చిద్దామని’ పేర్కొన్నారు. ‘నేడు ముఖ్యమంత్రి నిజామాబాద్​కు వస్తున్నారు కదా.. తన ప్రశ్నలకు సమాధానం చెప్పాలని’ సవాల్​ విసిరారు.

మహిళలకు రూ. నాలుగువేల పెన్షన్​, తులం బంగారం, నిరుద్యోగ భృతి హామీలు ఏమయ్యాయని ప్రశ్నించారు. రుణమాఫీ, రైతుభరోసా అసంపూర్తిగానే అమలు చేస్తున్నారన్నారు. ఫీజు రీయింబర్స్​మెంట్​, బీసీలు, ఎస్సీ, ఎస్టీలకు స్కాలర్​షిప్​లు ఎంత మందికి మంజూరు చేశారో చెప్పాలన్నారు. 18 ఏళ్లు పూర్తయిన ప్రతి యువతికి ఎలక్ట్రిక్​ స్కూటర్లు​, దివ్యాంగులకు రూ. 6వేల పెన్షన్ ఏమయ్యాయని.. చివరికి దివ్యాంగులను కూడా మోసం చేశారని మండిపడ్డారు.

MP Dharmapuri Arvind | ఆ పదాలకు స్పెల్లింగ్​ కూడా తెలియదు..

ఎన్​హెచ్​–44పై ఆదిలాబాద్​ నుంచి హైదరాబాద్​ వరకు ఫుడ్​ ప్రాసెసింగ్​ ఇండస్ట్రీయల్​ కారిడార్​ ఏర్పాటు చేస్తామని రేవంత్​ రెడ్డి హామీ ఇచ్చారని గుర్త చేశారు. ‘కనీసం ముఖ్యమంత్రి ఫుడ్​ ప్రాసెసింగ్​ ఇండస్ట్రీయల్​ స్పెల్లింగ్​ కూడా తెలియదు. ఆటోడ్రైవర్లను కూడా మోసం చేశారు. 50 ఏళ్లు దాటిన జానపద కళాకారులకు రూ. 3వేల పెన్షన్​, నగరపాలక సంస్థలు, మున్సిపాలిటీల్లో బస్తీ పబ్లిక్​ స్కూళ్లు ఏర్పాటు చేస్తామన్నారు. ఈ హామీలు ఎక్కడ అమలు చేశారంటూ విరుచుకుపడ్డారు. మూతపడిన 6వేల పాఠశాలలను మెరుగైన సౌకర్యాలతో పున:ప్రారంభిస్తామన్నారు.. ఎక్కడ ప్రారంభించారో చెప్పాలి. నాలుగు త్రిబుల్​ ఐటీలు ఏర్పాటు చేస్తామన్నారు.. ఉన్న వాటికి దిక్కులేదు.. తెలంగాణ ఉద్యమకారులపై ఉన్న కేసులు ఎత్తేసి 250 గజాల ఇళ్ల స్థలాలు కేటాయిస్తామన్నారు కదా.. ఇచ్చారా అని ప్రశ్నించారు.

MP Dharmapuri Arvind | ముఖ్యమంత్రి సమాధానం చెప్పాలి

మీరు ఇచ్చిన హామీలపై తాను ప్రశ్నిస్తున్నానని.. ముఖ్యమంత్రి సమాధానం చెప్పాలని అర్వింద్​ సవాల్​ విసిరారు. ‘ఇందిరమ్మ ఇళ్లు ఎందరికి ఇచ్చారు.. ఆరోగ్య బీమా ఏమైంది. కొత్త పెన్షన్లకు దరఖాస్తు చేసుకుందామంటే వెబ్​సైట్​ బంద్​ ఉంది.’ ఇలా హామీలు అన్నీ ఏమయ్యాయని ప్రశ్నించారు. వీటికి ముఖ్యమంత్రి వెంటనే సమాధానం చెప్పాలని డిమాండ్​ చేశారు. మున్సిపల్​ ఎన్నికల్లో ఇందూరు ప్రజలు కాంగ్రెస్​ పార్టీకి తప్పకుండా బుద్ధి చెబుతారన్నారు.