MP Arvind campaign | బీజేపీకి పట్టం కట్టండి.. అభివృద్ధికి సహకరించండి..: ఎంపీ అర్వింద్​

అక్షరటుడే,నిజామాబాద్​ సిటీ: MP Arvind campaign | బీజేపీకి పట్టంకట్టి అభివృద్ధికి సహకరించాలని ఎంపీ అర్వింద్ (MP Arvind) అన్నారు. 39వ డివిజన్​లో నిర్వహించిన కార్నర్​ మీటింగ్​లో (Corner meeting) ఆయన ప్రజలను ఉద్దేశించి మాట్లాడారు. ​

MP Arvind campaign | 39వ డివిజన్​ అభివృద్ధికి కృషి..

ఈ సందర్భంగా ఎంపీ మాట్లాడుతూ.. 39వ డివిజన్​ అభివృద్ధికి బీజేపీ ఆధ్వర్యంలో కృషి చేస్తామన్నారు. బీజేపీ కార్పొరేటర్ల ద్వారా మేయర్​ పీఠాన్ని కైవసం చేసుకుంటే నగరంలో (Nizamabad Municipality) అభివృద్ధి వేగవంతం అవుతుందన్నారు. బీజేపీ ఎమ్మెల్యే సహకారంతో ఎంపీ, ఎమ్మెల్యే నిధులతో ఆయా డివిజన్లను అభివృద్ధి చేసుకుందామని ఆయన పేర్కొన్నారు.

ప్రజల మధ్యే ఉండి సేవచేస్తా..

అనంతరం 39వ డివిజన్​ బీజేపీ కార్పొరేటర్​ అభ్యర్థి దాంపల్లి జ్యోతి మురళికృష్ణ మాట్లాడుతూ.. డివిజన్​ ప్రజల మధ్యే ఉండి ఎల్లవేళలా సేవ చేస్తానని హామీ ఇచ్చారు. ‘మన ఇందూరు – మన మేయర్’​ నినాదంతో ముందుకు వెళ్తున్నామన్నారు. కార్పొరేటర్​గా ఒక్కసారి అవకాశం ఇవ్వాలని ఆమె కోరారు. కార్యక్రమంలో పలువురు బీజేపీ నాయకులు, కార్యకర్తలు పాల్గొన్నారు.