అక్షరటుడే, వెబ్​డెస్క్: Minister Vivek | మంత్రి గడ్డం వివేక్(Minister Gaddam Vivek)​కు త్రుటిలో ప్రమాదం తప్పింది. ఉమ్మడి మెదక్​ జిల్లా ఇన్​ఛార్జి మంత్రిగా నియామకం అయిన వివేక్​ గురువారం జిల్లాలో పర్యటనకు బయలుదేరారు. ఆయన నర్సాపూర్​లో అభివృద్ధి పనులకు శంకు స్థాపన చేసి, మెదక్​ కలెక్టరేట్(Medak Collectorate)​లో అధికారులతో సమీక్ష నిర్వహించాల్సి ఉంది. ఈ కార్యక్రమాల కోసం ఆయన హైదరాబాద్​ నుంచి వస్తుండగా.. నర్సాపూర్‌లో మంత్రి కాన్వాయ్(Narsapur Ministers Convoy)​ ప్రమాదానికి గురైంది. ముందు వెళ్తున్న ఓ కారు సడెన్ బ్రేక్ వేయడంతో కాన్వాయ్​లోని నాలుగు కార్లు ఒకదానికొకటి ఢీ కొన్నాయి. దీంతో కార్ల ముందు భాగం ధ్వంసమైంది. ప్రమాదంలో ఎవరికి ఎలాంటి గాయాలు కాకపోవడంతో అధికారులు, కార్యకర్తలు ఊపిరి పీల్చుకున్నారు.