అక్షరటుడే, వెబ్డెస్క్ : Private Schools | నిజామాబాద్ (Nizamabad) నగరంలోని ఓ ప్రైవేట్ పాఠశాలల్లో నిబంధనలకు విరుద్ధంగా బుక్స్ విక్రయిస్తున్నారు. నగరంలోని నారాయణ పాఠశాల (Narayana School) లో యూనిఫార్మ్స్, బుక్స్, బెల్ట్ ,సాక్స్, క్యారీ బ్యాగ్స్ విక్రయిస్తున్నారు. వీటన్నింటికి కలిపి తల్లిదండ్రుల నుంచి రూ.21 వేలు తీసుకుంటున్నారని తెలంగాణ విద్యార్థి పరిషత్ (TGVP) నాయకులు పేర్కొన్నారు. ఈ మేరకు గురువారం పాఠశాలను సందర్శించారు.
అనంతరం ఈ విషయాన్ని ఎంఈవో (MEO) దృష్టికి తీసుకు వెళ్లారు. పాఠశాలలో యూనిఫామ్స్, బుక్స్, తదితర సామగ్రి ఉండడంతో పాటు రూ.21 వేలకు అమ్ముతున్నట్లు విద్యార్థులు తెలిపారు. దీంతో ఎంఈవో సామగ్రి ఉన్న గదిని సీజ్ చేశారు. ఈ కార్యక్రమంలో టీజీవీపీ జిల్లా అధ్యక్షుడు కల్యాణ్ తదితరులు పాల్గొన్నారు.
