Mehul Choksi | వజ్రాల వ్యాపారి మెహుల్​ చోక్సీ అప్పగింతకు బెల్జియం కోర్టు అంగీకారం..

4

అక్షరటుడే, న్యూఢిల్లీ: Mehul Choksi | మన దేశం నుంచి పారిపోయిన వజ్రాల వ్యాపారి మెహుల్ చోక్సీని తిరిగి భారత్​కు అప్పగించడానికి ఆంట్వెర్ప్‌లోని బెల్జియం కోర్టు Belgiam court సమ్మతించింది.

అయితే, చోక్సీ ఉన్నత న్యాయస్థానంలో అప్పీల్ చేసుకోవచ్చని పేర్కొంది. కాగా, అప్పగింత ప్రక్రియలో ఈ తీర్పు కీలకమైన మొదటి అడుగుగా అధికారులు చెబుతున్నారు.

భారత్​ కోరిక మేరకు ఏప్రిల్ 11, 2025న చోక్సీని ఆంట్వెర్ప్ పోలీసులు అరెస్టు చేశారు. అప్పటి నుంచి అతను బెల్జియం జైలులోనే ఉన్నాడు. పారిపోయే ప్రమాదం ఉందని పలుమార్లు అతడి బెయిల్ పిటిషన్లు తిరస్కరణకు గురయ్యాయి.

భారత్​లో చోక్సీపై నమోదైన కేసులు, నేరపూరిత కుట్ర, మోసం, సాక్ష్యాలను నాశనం చేయడం, అవినీతి నేరాలు.. బెల్జియం చట్టం ప్రకారం శిక్షార్హమైనవని కోర్టు గుర్తించింది.

Mehul Choksi | పలు సెక్షన్ల కింద కేసులు

భారత శిక్షాస్మృతిలోని 120B (నేరపూరిత కుట్ర), 201 (సాక్ష్యాలను మాయం చేయడం, తప్పుడు సమాచారం ఇవ్వడం), 420 (మోసం), 409 (నేరపూరిత నమ్మక ద్రోహం), 477A (పత్రాలను తప్పుగా మార్చడం), అవినీతి నిరోధక చట్టంలోని సెక్షన్లు 7 (లంచం), 13 (నేరపూరిత దుష్ప్రవర్తన) కింద భారత్​లో చోక్సీపై అభియోగాలు ఉన్నాయి.

సెంట్రల్ బ్యూరో ఆఫ్ ఇన్వెస్టిగేషన్ (Central Bureau of Investigation – CBI) బృందం సాక్ష్యాలను సమర్పించడానికి మూడుసార్లు బెల్జియంను సందర్శించింది. ఈ ప్రక్రియలో సహాయం చేయడానికి ఒక యూరోపియన్ European లా ఫర్మ్‌ను నియమించింది.

చోక్సీని అప్పగిస్తే.. మానవీయ పరిస్థితుల్లో ఉంచుతామని బెల్జియం అధికారులకు భారత్​ హామీ ఇచ్చింది. ముంబయిలోని ఆర్థర్ రోడ్ జైలులో ఉన్న బ్యారక్ నంబరు 12లో ఉంచుతామని తెలిపింది.

ఇది యూరోపియన్ మానవ హక్కుల ప్రమాణాలకు అనుగుణంగా ఉంటుందని పేర్కొంది. ఈ సెల్ శుభ్రమైన నీరు, వార్తాపత్రికలు, ఆహారం, టెలివిజన్, వైద్య సదుపాయాలు కలిగి ఉందని వివరించింది.

Mehul Choksi | పంజాబ్​ నేషనల్​ బ్యాంకు రూ. 14,356 కోట్ల కుంభకోణం

నవంబరు, 2017లో తాను ఆంటిగ్వా, బార్బుడా (Antigua , Barbuda) పౌరసత్వం పొందిన తర్వాత డిసెంబరు, 2018లో భారత పౌరసత్వాన్ని త్యజించాననే చోక్సీ వాదించాడు. కాగా, అతడి వాదనను భారత్​ తోసిపుచ్చింది. భారత పౌరుడిగానే చోక్సీ ఉన్నాడని వివరించింది.

దేశంలో అతిపెద్ద బ్యాంకింగ్ కుంభకోణాలలో ఒకటైన రూ. 14,356 కోట్ల పంజాబ్ నేషనల్ బ్యాంక్ (Punjab National Bank – PNB) మోసం కేసుకు సంబంధించి నీరవ్​ మోదీ (Nirav Modi), అతడి మామ మెహుల్​ చోక్సీ నిందితులు. 2011 – 2018 మధ్య కాలంలో మోసం, నేరపూరిత కుట్ర మనీలాండరింగ్‌కు పాల్పడినట్లు కేంద్ర సంస్థలు Central agencies మెహుల్​ చోక్సీపై అభియోగాలు చేశాయి. దీంతో 2018 ఆరంభంలో చోక్సీ భారత్​ నుంచి పారిపోయాడు.