అక్షరటుడే, నిజామాబాద్ క్రైం: Medical Students Ground Demand | శాశ్వత క్రీడామైదానం ఏర్పాటు చేయాలని జూనియర్ డాక్టర్లు (JUDA Protest) డిమాండ్ చేశారు. ఈ మేరకు జీజీహెచ్లో(Government General Hospital) జూనియర్ డాక్టర్స్ అసోసియేషన్ (JUDA) నిజామాబాద్ ఆధ్వర్యంలో నల్లబ్యాడ్జీలు, ప్లకార్డులతో బుధవారం నిరసన కార్యక్రమం నిర్వహించారు.
Medical Students Ground Demand | కళాశాల స్థాపించి 13ఏళ్లు పూర్తయినప్పటికీ..
నగరంలో (Nizamabad News) మెడికల్ కళాశాల ఏర్పాటై 13ఏళ్లు పూర్తయినప్పటికీ ఇప్పటివరకు శాశ్వత క్రీడామైదానం(Sports Ground Demand) లేకపోవడం తీవ్ర నిర్లక్ష్యానికి నిదర్శనంగా జూడాలు పేర్కొన్నారు. ప్రాథమిక వసతులలో భాగమైన కాలేజీ గ్రౌండ్ లేకపోవడం విద్యార్థుల విద్యా, క్రీడా, వ్యక్తిత్వాభివృద్ధిపై ప్రతికూల ప్రభావం చూపుతోందన్నారు.
ఒత్తిడితో కూడిన విద్య..
మెడికల్ విద్య అనేది ఒత్తిడితో కూడిన కోర్సు అని జూడాలు పేర్కొన్నారు. ఇలాంటి పరిస్థితుల్లో క్రీడామైదానం లేకపోవడంతో విద్యార్థుల మానసిక ఆరోగ్యం (Mental Health)పై ప్రతికూల ప్రభావం పడుతోందన్నారు. శారీరక వ్యాయామం, క్రీడా కార్యకలాపాలు విద్యార్థుల ఒత్తిడిని తగ్గించి మానసిక స్థైర్యాన్ని పెంపొందించడానికి అత్యంత అవసరమని వారు వివరించారు. ప్రభుత్వం తక్షణమే స్పందించి శాశ్వత కాలేజీ గ్రౌండ్ కేటాయించాలని డిమాండ్ చేశారు. కార్యక్రమంలో జూడాల అసోసియేషన్ (Junior Doctors Association) అధ్యక్షుడు కార్తిక్ కొమ్మనబోయిన, జనరల్ సెక్రెటరీ జయంత్, వైస్ ప్రెసిడెంట్స్ సంతోష్, చంద్రకాంత్, వక్వార్, హేమంత్, రవి రాథోడ్ తదితరులు పాల్గొన్నారు.
