అక్షరటుడే, వెబ్డెస్క్: Medaram Kova Bun Controversy | ‘కోవా బన్’ వ్యవహారం రెండు తెలుగు రాష్ట్రాల్లో దుమారం రేపుతోంది. మేడారం జాతర వేళ చోటుచేసుకున్న ఈ వివాదం తీవ్ర చర్చనీయాంశంగా మారింది.
జాతర సమయంలో ఒక వర్గానికి చెందిన వ్యాపారిపై ఓ యూట్యూబర్ (YouTuber) వీడియోలు విడుదల చేయడం పెద్ద చర్చకు దారి తీసిన విషయం తెలిసిందే. కాగా.. ఈ అంశంపై అటు నెటిజన్లు, ఇటు రాజకీయ నాయకులు స్పందిస్తున్నారు. పలువురు నేతలు సదరు వ్యక్తికి అండగా నిలుస్తున్నారు.
Medaram Kova Bun Controversy | అసలేం జరిగిందంటే..
మేడారం సమ్మక్క – సారలమ్మ జాతర (Sammakka – Saralamma Jathara) సమయంలో కర్నూలుకు చెందిన వ్యాపారి కోవా బన్స్ విక్రయించాడు. సదరు వ్యాపారి వద్దకు వెళ్లిన ఓ యూట్యూబర్ వెళ్లి ప్రశ్నించాడు. బన్స్ కల్తీగా ఉన్నాయని ఆరోపించాడు. బన్స్ ప్యాకెట్లపై తయారీ తేదీ, గడువు తేదీ లేవని అడిగాడు. దీంతో వ్యాపారి స్పందిస్తూ తాము స్థానికంగా తయారు చేసినవి, కొన్ని రోజుల్లో అమ్మేస్తామని చెప్పాడు. అయినా వ్యాపారిని ఒత్తిడికి గురి చేసినట్టు వీడియోల్లో కనిపించింది. ఆ వ్యాపారిని బన్ తినమని కూడా బలవంతం చేయడంతో ఆయన తిని చూపించాడు. అయితే బన్స్ క్వాలిటీపై అనుమానం వ్యక్తం చేస్తూ.. “ఫుడ్ జిహాద్” అంటూ యూట్యూబర్ మతపరమైన కోణంలో వ్యాఖ్యలు చేయడం వివాదానికి కారణమైంది.
Medaram Kova Bun Controversy | స్పందించిన ప్రముఖులు
A street vendor from Kurnool, Andhra Pradesh, was made to eat his own food to prove he was not committing “food jihad” before a group of YouTubers during the Medaram Jatara in Telangana.
After being publicly harassed by the YouTubers, he received support not only from residents… pic.twitter.com/bKFWAX9yZv
— The Siasat Daily (@TheSiasatDaily) February 13, 2026
ఈ వివాదంపై పలువురు రాజకీయ నాయకులు స్పందిస్తున్నారు. ఆంధ్రప్రదేశ్ మంత్రి లోకేశ్ (Minister Lokesh) స్పందిస్తూ.. “మీరు ఇలాంటి పరిస్థితిని ఎదుర్కోవాల్సి రావడం బాధాకరం. మా తెలుగు సమాజం ఎప్పటికీ సామరస్యానికి ప్రతీక. విభేదాలను రెచ్చగొట్టే, సామాజిక ఐక్యతను దెబ్బతీసే ప్రవర్తనకు మన సమాజంలో స్థానం లేదు,” ‘ఎక్స్’లో పోస్ట్ చేశారు. అలాగే నటుడు నాగబాబు వలీని పిలిచి మాట్లాడారు. కోవా బన్ను రుచి చూశారు. అనంతరం వలీకి ఆర్థిక సాయం చేశారు.
మరోవైపు ఈ వ్యవహారంపై టీడీపీ నంద్యాల ఎంపీ బైరెడ్డి శబరి (MP Byreddy Sabari), పరిటాల శ్రీరామ్ కూడా స్పందించారు. ఆకలికి కులం ఉండదని.. ఆత్మగౌరవానికి మతం ఉండదని.. కష్టానికి పార్టీ రంగు ఉండదంటూ వ్యాపారికి మద్దతుగా నిలిచారు. అలాగే ఈ ఘటనపై ఎంఐంఎం ఎంపీ అసదుద్దీన్ (MP Asaduddin) సైతం స్పందించారు. ఇలాంటి వీడియోలు చేసిన వారిపై చర్యలు తీసుకోవాలని డిమాండ్ చేశారు.
కాగా.. ఈ ఘటనపై పలువురు నెటిజన్లు సైతం స్పందిస్తున్నారు. కొందరు సదరు చిరు వ్యాపారికి మద్దుతుగా నిలుస్తూ పోస్టులు పెడుతున్నారు. మరికొందరు ఫుడ్ క్వాలిటీ గురించి ప్రస్తావిస్తున్నారు.
Dear Brother Vali, I am deeply sorry that you had to endure this. Such divisive and communal behavior has no place in our Telugu society, which has always stood for harmony, mutual respect, and brotherhood. I will meet you soon and look forward to tasting your famous Khoya bun!… https://t.co/AvckML9odY
— Lokesh Nara (@naralokesh) February 15, 2026
