Mary Kom | మేరీ కోమ్ ఇంట్లో భారీ దొంగతనం.. రూ. లక్షల విలువైన వస్తువుల అపహరణ

అక్షరటుడే, వెబ్​డెస్క్ : Mary Kom | భారత బాక్సింగ్ ఛాంపియన్, ఆరుసార్లు ప్రపంచ విజేతగా నిలిచిన మేరీ కోమ్ (Mary Com) ఇంట్లో భారీ దొంగతనం జరిగింది. హర్యానా (Haryana) రాష్ట్రం ఫరీదాబాద్‌ సెక్టార్ 46లోని ఆమె నివాసంలో ఈ ఘటన చోటుచేసుకుంది.

మేరీ కోమ్ ఒక మారథాన్ కార్యక్రమంలో పాల్గొనడానికి మేఘాలయలోని (Meghalaya) సోహ్రాకు వెళ్లిన సమయంలో, ఇంట్లో ఎవరూ లేని అవకాశాన్ని ఉపయోగించుకుని దుండగులు ఈ దొంగతనానికి పాల్పడ్డారు. మెరీ కోమ్ నివసిస్తున్న రెండు అంతస్తుల బంగ్లాకు తాళం వేసి ఉన్న విషయాన్ని గమనించిన దొంగలు ఇంట్లోకి చొరబడి లక్షల రూపాయల విలువైన వస్తువులు, టెలివిజన్ సహా పలు వస్తువులను అపహరించారు. ఈ దృశ్యాలన్నీ ఇంట్లో ఏర్పాటు చేసిన సీసీటీవీ కెమెరాల్లో (CC Cameras) రికార్డయ్యాయి.

Mary Kom | పొరుగువారు గమనించి సమాచారం

ఈ దోపిడీ ఘటనను పొరుగువారు గమనించి వెంటనే మేరీ కోమ్‌కు ఫోన్‌ ద్వారా సమాచారం అందించారు. ఈ విషయంపై స్పందించిన మేరీ కోమ్, “నాకు చాలా భయంగా, ఆందోళనగా ఉంది. ఈ చోరీ సెప్టెంబర్ 24న జరిగినట్లుగా తెలుస్తోంది. నేను ఇంటికి తిరిగి వెళ్లాకే మొత్తం నష్టం ఎంత జరిగిందో తెలుసుకోగలను. సీసీటీవీలో CC Tv దొంగలు టీవీ, ఇతర వస్తువులు తీసుకెళ్లడం స్పష్టంగా కనిపిస్తోంది. ఇప్పటికే పోలీసులకు ఫిర్యాదు చేశాను” అని తెలిపారు. ఈ ఘటనపై ఫిర్యాదు అందుకున్న ఫరీదాబాద్ పోలీసులు (Faridabad police) వెంటనే కేసు నమోదు చేసి దర్యాప్తు ప్రారంభించారు.

నిందితులను పట్టుకునేందుకు ఆరు ప్రత్యేక బృందాలను రంగంలోకి దింపినట్లు పోలీసులు తెలిపారు. సీసీటీవీ ఫుటేజీ ఆధారంగా దొంగలను గుర్తించే పనిలో ఉన్నామని వెల్లడించారు.