Sunday on cycle | సైకిల్ తొక్కడంతో ఎన్నో ప్రయోజనాలు

అక్షరటుడే, బాన్సువాడ: Sunday on cycle | సైకిల్​ తొక్కడంతో శరీరానికి ఎన్నో ప్రయోజనాలు కలుగుతాయని సేవా సంఘం ఫ్రెండ్స్​ యూత్​ (Seva Sangam Friends Youth) అధ్యక్షుడు సునీల్​ రాథోడ్​ అన్నారు. ఈనెల 3న అంతర్జాతీయ సైకిల్ దినోత్సవాన్ని పురస్కరించుకొని నస్రుల్లాబాద్ (Nasrullabad)​ మండలంలోని సంగెంలో (Sangem) మేరా యువ భారత్ (Mera Yuva Bharath), సేవా సంఘ్ ఫ్రెండ్స్ యూత్ ఆధ్వర్యంలో ‘సండే ఆన్ సైకిల్’ కార్యక్రమాన్ని నిర్వహించారు. ఈ సందర్భంగా యూత్ అధ్యక్షుడు సునీల్ రాథోడ్ మాట్లాడుతూ.. నేటితరం యువత ద్విచక్ర వాహనాలు, కార్ల వినియోగం వైపు మొగ్గు చూపడంతో శరీరం ఫిట్​గా ఉండట్లేదన్నారు. పర్యావరణ పరిరక్షణలో భాగస్వాములై మనమంతా కలిసి ఫిట్ ఇండియాను తయారు చేయాలని సూచించారు.