అక్షరటుడే, ముంబై : Mahindra BE 6 | కొన్ని వాహనాలు కేవలం ఒక చోటు నుంచి మరో చోటుకు తీసుకువెళ్లేందుకు మాత్రమే ఉపయోగపడతాయి. కానీ, కొన్ని వాహనాలు మన మనసులను కూడా కదిలిస్తాయి. మహీంద్రా కొత్తగా విడుదల చేసిన బీఈ 6 బ్యాట్‌మ్యాన్ ఎడిషన్ రెండవ రకానికి చెందినది.

వార్నర్ బ్రదర్స్ డిస్కవరీ గ్లోబల్ కన్స్యూమర్ ప్రొడక్ట్స్‌తో (WBDGCP) కలిసి మహీంద్రా, ఈ ప్రత్యేకమైన ఎలక్ట్రిక్ SUVని మార్కెట్‌లోకి తీసుకువచ్చింది. క్రిస్టోఫర్ నోలన్ దర్శకత్వంలో వచ్చిన ‘ది డార్క్ నైట్ ట్రయాలజీ’ సినిమా స్ఫూర్తితో రూపొందించిన ఈ వాహనం, సినిమా ప్రపంచం, ఆధునిక లగ్జరీల అరుదైన కలయిక. ఇది కేవలం ఒక కారు మాత్రమే కాదు, ఒక చరిత్ర.ఈ పరిమిత-ఎడిషన్ BE 6 బ్యాట్‌మ్యాన్ ఎడిషన్ రూ.27.79లక్షలతో లభిస్తుంది. కేవలం 300 యూనిట్లు మాత్రమే అందుబాటులో ఉండటం వలన, ఇది ఎంతో ప్రత్యేకంగా నిలుస్తోంది. ఈ లెజెండ్‌ను సొంతం చేసుకోవాలనుకునే వారు ఆగస్టు 23, 2025 నుంచి బుకింగ్‌లు చేసుకోవచ్చు.

మహీంద్రా &మహీంద్రా లిమిటెడ్ ఆటో &ఫార్మ్ సెక్టార్స్చీఫ్ డిజైన్ &క్రియేటివ్ ఆఫీసర్ప్రతాప్ బోస్మాట్లాడుతూ.. “BE 6 కారు(BE 6 Car)ను కొత్త ఆలోచనలతో, ఎంతో ధైర్యంతో రూపొందించాం.ఈ బ్యాట్‌మ్యాన్ ఎడిషన్‌(Batman Edition)తో, మేము ఇంకా అద్భుతమైన కారును తయారు చేయాలనుకున్నాం. ఈ కారును కొన్న వారికి ఒక సినిమా చరిత్రను సొంతం చేసుకున్నట్లుగా అనిపించాలి. అందుకే, మేము ప్రతి చిన్న విషయంపైనా చాలా శ్రద్ధ పెట్టాం. కారును ఎన్నిసార్లు చూసినా, దానిలో ఏదో ఒక కొత్త విషయం కనిపిస్తూనే ఉంటుంది” అని పేర్కొన్నారు.

బ్యాట్‌మ్యాన్‌(Batman)కి ఉన్న ఆదరణ తరతరాలుగా కొనసాగుతూనే ఉంది. కామిక్ పుస్తకాల నుంచి యానిమేటెడ్ సిరీస్‌లు, బ్లాక్‌బస్టర్ సినిమాల వరకూ బ్యాట్‌మ్యాన్ ఒక కల్చరల్ ఐకాన్‌గా దశాబ్దాలుగా నిలిచిపోయాడు. పిల్లలు, పెద్దలు అందరూ ఇష్టపడే బ్యాట్‌మ్యాన్ తెలివితేటలు, నైపుణ్యం, టెక్నికల్ పరిజ్ఞానానికి ఐకాన్‌గా నిలిచాడు.BE 6 బ్యాట్‌మ్యాన్ ఎడిషన్ ఈ గొప్ప వారసత్వాన్ని స్ఫూర్తిగా తీసుకుని, అభిమానులకు పాపులర్ కల్చర్‌లో అత్యంత గుర్తింపు పొందిన ఈ పాత్రతో అనుసంధానం అయ్యే అవకాశాన్ని ఇస్తోంది. ఈ కారు కేవలం ఒక వాహనం మాత్రమే కాదు, ఒక చిహ్నం.

ఈ ఐకానిక్ భాగస్వామ్యం గురించివార్నర్ బ్రదర్స్ డిస్కవరీ గ్లోబల్ కన్స్యూమర్ ప్రొడక్ట్స్, ఏపీఏసీసీనియర్ వైస్ ప్రెసిడెంట్ విక్రమ్ శర్మ(Vice President Vikram Sharma) మాట్లాడుతూ..“బ్యాట్‌మ్యాన్ కేవలం ఒక పాప్-కల్చర్ ఐకాన్ కాదు.అతను కొత్త ఆలోచనలు, సంకల్పం, హద్దులను దాటి ముందుకు వెళ్లే తత్వాన్ని సూచిస్తాడు.ఈ భాగస్వామ్యం ఆ స్ఫూర్తిని సూచిస్తుంది.ఈ లిమిటెడ్-ఎడిషన్ కారుతో, దేశంలోని అభిమానులు కారు నడుపుతున్న ప్రతీసారి బ్యాట్‌మ్యాన్ అనుభూతిని పొందవచ్చు.ఇది కేవలం ఒక కారు మాత్రమే కాదు, చక్రాలపై తిరిగే ఒక కలెక్టర్స్ స్టేట్‌మెంట్” అని పేర్కొన్నారు.

వార్నర్ బ్రదర్స్ డిస్కవరీ సౌత్ ఆసియా కన్స్యూమర్ ప్రొడక్ట్స్ సీనియర్ డైరెక్టర్ఆనంద్ సింగ్ భారత్ గురించి మాట్లాడుతూ.. “ప్రపంచంలోనే బ్యాట్‌మ్యాన్‌కి అత్యధిక అభిమానులు భారత్‌లో ఉన్నారు. ఈ భాగస్వామ్యం వారి అభిరుచిని మునుపెన్నడూ లేని విధంగా నిజం చేస్తుంది. బ్యాట్‌మ్యాన్ ఎప్పటికీ తగ్గని ఆకర్షణను, భవిష్యత్తు ఎలక్ట్రిక్ వాహనాలతో(Electric Vehicles) కలపడం ద్వారా మేము ఒక అద్భుతమైన కారును అందిస్తున్నాము. ఇది కొత్త టెక్నాలజీ, గొప్ప కథలను ఇష్టపడే భారతీయ ప్రజలకు కచ్చితంగా నచ్చుతుంది.”

ప్యాక్ త్రీ 79 kWh వేరియంట్‌ ఆధారంగా రూపొందించిన మహీంద్రా BE 6 బ్యాట్‌మ్యాన్ ఎడిషన్ ఫీచర్లు చూస్తే మీరు ఆశ్చర్యపోవడం పక్కా…
డిజైన్ వివరాలు

• కస్టమ్ సాటిన్ బ్లాక్ కలర్:ఈ బ్యాట్‌మ్యాన్ ఎడిషన్ కోసం ప్రత్యేకంగా తయారు చేసిన సాటిన్ బ్లాక్ కలర్, కారుకు ఒక ప్రత్యేకమైన, శక్తివంతమైన రూపాన్ని ఇస్తుంది.
• కస్టమ్ బ్యాట్‌మ్యాన్ డెకాల్:ముందు డోర్‌లపై ఉన్న బ్యాట్‌మ్యాన్ లోగోతో ఉన్న స్టిక్కర్, దీనికి సినిమాటిక్ టచ్ ఇస్తుంది.
• R20 అల్లాయ్ వీల్స్:ఈ అల్లాయ్ వీల్స్ కారుకు స్పోర్టీ లుక్‌ను, స్థిరత్వాన్ని అందిస్తాయి.
• గోల్డ్ కలర్ సస్పెన్షన్, బ్రేక్ కాలిపర్స్:కారు సాటిన్ బ్లాక్ బాడీకి కాంట్రాస్ట్‌గా ఉండే ఈ గోల్డ్ కలర్ సస్పెన్షన్, బ్రేక్ కాలిపర్స్, ఒక ప్రీమియం టచ్‌ను ఇస్తాయి.
• BE 6 × The Dark Knight”అనే ప్రత్యేకమైన బ్యాడ్జింగ్ కారు వెనుక భాగంలో ఉంటుంది. ఇది లిమిటెడ్ ఎడిషన్ కారు అని సూచిస్తుంది.

క్రిస్టోఫర్ నోలన్ దర్శకత్వం వహించిన ‘ది డార్క్ నైట్ ట్రయాలజీ’ లోని బ్యాట్ చిహ్నం కారులోని ఈ కింది భాగాలలో ప్రత్యేకంగా పొందుపరిచారు:

• హబ్ క్యాప్స్ (Hub caps)
• ముందు క్వార్టర్ ప్యానెల్స్ (Front quarter panels)
• వెనుక బంపర్ (Rear bumper)
• కిటికీలు, వెనుక విండ్‌షీల్డ్ (Windows & Rear Windshield)
• ఇన్ఫినిటీ రూఫ్ (Infinity Roof)
• నైట్ ట్రయిల్- కార్పెట్ ల్యాంప్‌లతో బ్యాట్ లోగో ప్రొజెక్షన్ (Night Trail – Carpet lamps)
• వెనుక డోర్ క్లాడింగ్‌పై బ్యాట్‌మ్యాన్ ఎడిషన్ సంతకంతో కూడిన స్టిక్కర్ (rear door cladding)
• కారు లోపలి డిజైన్ వివరాలు
• డాష్‌బోర్డ్‌పై బ్యాట్‌మ్యాన్ ఎడిషన్ ప్లేక్:బ్రష్ చేసిన ఆల్కెమీ గోల్డ్ ప్లేక్ డాష్‌బోర్డ్‌పై ఉంటుంది. దీనిపై కారు నంబరింగ్ కూడా ఉంటుంది.
• చార్‌కోల్ లెదర్ ఇన్‌స్ట్రుమెంట్ ప్యానెల్:డ్రైవర్ కోసం ప్రత్యేకంగా రూపొందించిన ఈ ప్యానెల్, బ్రష్ చేసిన బంగారు రంగు చట్రంతో ఉంటుంది.
• స్వీడ్, లెదర్ అప్హోల్స్‌టరీ:సీట్లకు వాడిన స్వీడ్, లెదర్‌పై గోల్డ్ సెపియా రంగులో స్టిచ్చింగ్ ఉంటుంది. దానితో పాటు ‘ది డార్క్ నైట్ ట్రయాలజీ’ లోని బ్యాట్ చిహ్నం కూడా ముద్రించి ఉంటుంది.
• బంగారు రంగు యాక్సెంట్‌లు:స్టీరింగ్ వీల్, ఇన్-టచ్ కంట్రోలర్, ఎలక్ట్రానిక్ పార్కింగ్ బ్రేక్, కీ ఫోబ్‌పై బంగారు రంగు వివరాలు కారుకు ప్రత్యేక ఆకర్షణను ఇస్తాయి.

‘ది డార్క్ నైట్ ట్రయాలజీ’ బ్యాట్ చిహ్నం:ఈ బ్యాట్ చిహ్నం కింది భాగాలపై ప్రత్యేకంగా ఉంటుంది:

• “బూస్ట్” బటన్
• సీట్లు
• లోపలి లేబుల్స్

ప్యాసింజర్ డాష్‌బోర్డ్ ప్యానెల్:ప్యాసింజర్ డాష్‌బోర్డ్‌పై ‘ది డార్క్ నైట్ ట్రయాలజీ’ బ్యాట్ చిహ్నం ఉంటుంది.

రేస్ కారు స్ఫూర్తితో రూపొందించిన స్ట్రాప్‌లు:రేస్ కార్లలో ఉండే స్ట్రాప్‌ల లాంటివి ఈ కారులో కూడా ఉంటాయి. దానిపై బ్యాట్‌మ్యాన్ ఎడిషన్ బ్రాండింగ్ ఉంటుంది.

ఇన్ఫోటైన్‌మెంట్ డిస్‌ప్లేలో ప్రత్యేకమైన యానిమేషన్:ఇన్ఫోటైన్‌మెంట్ స్క్రీన్ ఆన్ చేయగానే బ్యాట్‌మ్యాన్ ఎడిషన్ వెల్‌కమ్ యానిమేషన్ వస్తుంది.

బ్యాట్‌మ్యాన్ స్ఫూర్తితో ఇంజిన్ సౌండ్స్:కారుకు ప్రత్యేకమైన ఇంజిన్ సౌండ్స్ కూడా ఉంటాయి.
కారు లోపల, బయట ప్రతి వివరాలను చాలా జాగ్రత్తగా రూపొందించారు. ఈ SUV కేవలం ఒక కారు మాత్రమే కాదు.ఇది బ్యాట్‌మ్యాన్ వారసత్వంలో ఒక కలెక్టర్స్ చాప్టర్. అంతర్జాతీయ బ్యాట్‌మ్యాన్ డే రోజున విడుదలైన ఈ కారు, కేవలం బ్యాడ్జ్ కోసం కాకుండా, దాని వెనుక ఉన్న కథను కోరుకునే వారి కోసం ఉద్దేశించినది.

• బుకింగ్‌లు ప్రారంభం:ఆగస్టు 23, 2025
• డెలివరీల ప్రారంభం:సెప్టెంబర్ 20, 2025 – అంతర్జాతీయ బ్యాట్‌మ్యాన్ డే

మరిన్ని వివరాల కోసం, మహీంద్రా ఎలక్ట్రిక్ ఆరిజిన్ SUV అధికారిక ఛానెల్‌లను సందర్శించండి లేదా మమ్మల్ని నేరుగా సంప్రదించండి.
మహీంద్రా ఎలక్ట్రిక్ ఆరిజిన్ SUVల సోషల్ మీడియా అడ్రస్‌లు:
వెబ్‌సైట్:https://www.mahindraelectricsuv.com/