అక్షరటుడే, వెబ్డెస్క్: Varanasi Shooting | దర్శకధీరుడు రాజమౌళి (Director Rajamouli) తెరకెక్కిస్తున్న భారీ బడ్జెట్ చిత్రం ‘వారణాసి’ ఇప్పటికే దేశవ్యాప్తంగా భారీ అంచనాలు సృష్టిస్తోంది. సూపర్ స్టార్ మహేష్ బాబు, బాలీవుడ్ స్టార్ ప్రియాంక చోప్రా జంటగా నటిస్తున్న ఈ పాన్ వరల్డ్ మూవీని అంతర్జాతీయ స్థాయిలో రూపొందిస్తున్నారు.
RRR సినిమాతో హాలీవుడ్లో మంచి గుర్తింపు తెచ్చుకున్న రాజమౌళి, అదే ఊపుతో ‘వారణాసి’ చిత్రాన్ని విదేశీ మార్కెట్లో కూడా భారీగా విడుదల చేయాలనే లక్ష్యంతో ముందుకెళ్తున్నారు. ఈ సినిమా వచ్చే ఏడాది ఏప్రిల్ 7న వరల్డ్ వైడ్గా విడుదల కానున్న నేపథ్యంలో హాలీవుడ్లో సైతం ప్రమోషన్ కార్యక్రమాలు జోరుగా కొనసాగుతున్నాయి.
Varanasi Shooting | ఆసక్తికర వ్యాఖ్యలు..
ఈ క్రమంలో మహేష్ బాబు, ప్రియాంక చోప్రా (Priyanka Chopra) హాలీవుడ్ మీడియాకు ఇచ్చిన తాజా ఇంటర్వ్యూలో రాజమౌళి వర్కింగ్ స్టైల్పై ఆసక్తికర విషయాలు వెల్లడించారు. షూటింగ్ సమయంలో రాజమౌళి టెక్నికల్ విషయాల కంటే నటుల ఎక్స్ప్రెషన్స్, బాడీ లాంగ్వేజ్పైనే ఎక్కువ దృష్టి పెడతారని తెలిపారు. “ఈ షాట్ స్లో మోషన్లో వస్తుంది, ఇలా కనిపిస్తుంది” అని ముందుగా వివరించకుండా, సీన్కు కావాల్సిన భావాలను మాత్రమే చెప్పి నటుల నుంచి కావాల్సిన అవుట్పుట్ తీసుకుంటాడని ప్రియాంక పేర్కొన్నారు. షాట్ బాగా వచ్చిందనిపిస్తే ‘నైస్’ లేదా ‘వెరీ నైస్’ అంటూ ప్రశంసిస్తాడని, ‘వెరీ నైస్’ అంటే అది గ్రేట్ షాట్ అన్న మాట అని ఆమె నవ్వుతూ చెప్పారు.
ఇంకా షూటింగ్ సమయంలో తాము మానిటర్ కూడా ఎక్కువగా చెక్ చేయమని, అవుట్పుట్ ఎలా వస్తుందో కూడా తెలియకుండా రాజమౌళిపై నమ్మకంతో పని చేస్తామని ప్రియాంక వెల్లడించారు. సరదాగా ఎవరికెక్కువ ‘నైస్లు’, ‘వెరీ నైస్లు’ వచ్చాయో లెక్కపెట్టుకునేవాళ్లమని, మహేష్ (Superstar Mahesh Babu) ఎక్కువ రోజులు షూట్ చేసినందున అతనికే ఎక్కువ ‘వెరీ నైస్లు’ వచ్చాయని పేర్కొన్నారు. మహేష్ బాబు కూడా రాజమౌళి పని తీరు గురించి ప్రత్యేకంగా మాట్లాడారు. “రాజమౌళి రిహార్సిల్స్కే సినిమాటోగ్రాఫర్ పెట్టి షూట్ చేస్తాడు. అందుకే అసలు షూటింగ్ టైమ్లో చాలా ఈజీగా ఉంటుంది. ఒక స్టూడియోలో కూర్చొని ముందుగా రిహార్సిల్స్ చేసి క్యారెక్టర్కి కావాల్సిన ప్రతి హావభావాన్ని సిద్ధం చేసుకుంటాం” అని తెలిపారు. పాత్రకు సంబంధించిన ప్రతి చిన్న అంశాన్ని రాజమౌళి దగ్గరుండి చూసుకుంటాడని, అతనికి ఒక స్పష్టమైన మెథడ్, ప్రాసెస్ ఉంటుందని మహేష్ వివరించారు.
రిహార్సిల్స్ వల్ల షూటింగ్ సులభమవుతుందని, యాక్షన్ సీక్వెన్స్లలో గాయాల అవకాశాలు కూడా తగ్గుతాయని మహేష్ అభిప్రాయపడ్డారు. భవిష్యత్తులో తన తదుపరి సినిమాల్లో కూడా ఇలాంటి రిహార్సిల్స్ వ్యవస్థ ఉండాలని కోరుకుంటానని చెప్పారు. సాధారణంగా చాలా మంది దర్శకులు ఇలా చేయరని, కానీ రాజమౌళి కమిట్మెంట్ వేరు అని ప్రశంసించారు.
