అక్షరటుడే, వెబ్డెస్క్: Kuberaa Movie | బాక్స్ ఆఫీస్ వద్ద భారీ సక్సెస్ అందుకున్న కుబేర సినిమా (Kuberaa Movie) త్వరలో ఓటీటీలోకి రానుంది. ధనుష్ (Hero Dhanush), నాగార్జున (Hero Nagarjuna), రష్మిక (Heroine Rashmika) ప్రధాన పాత్రల్లో నట్టించిన ఈ మూవీని శేఖర్ కమ్ముల తెరకెక్కించిన విషయం తెలిసిందే.
జూన్ 20న థియేటర్లలో విడుదలైన ఈ చిత్రం తొలి రోజు నుంచే పాజిటివ్ టాక్ అందుకుంది. కలెక్షన్ల పరంగా కూడా బాగానే నిలిచింది. రూ.వంద కోట్లకు పైగా కలెక్షన్లతో మంచి విజయం సాధించింది. కాగా.. ఈ మూవీ జులై 18 నుంచి ఓటీటీలోకి రానుంది.
కుబేర సినిమా ఓటీటీ హక్కులను అమెజాన్ ప్రైమ్ (Amazon Prime) దక్కించుకుంది. ఈ సినిమాను జులై 18 నుంచి స్ట్రీమింగ్ చేయనున్నట్లు ఆ సంస్థ ప్రకటించింది. ఇప్పటికే భారీ సక్సెస్ అందుకొని మంచి టాక్ తెచ్చుకున్న ఈ సినిమా కోసం ఓటీటీ (OTT) ప్రియులు కొంతకాలంగా ఎదురు చూస్తున్నారు. ఈ క్రమంలో తాజాగా రిలీజ్ డేట్ ప్రకటించడంతో వారు ఓటీటీలో చూడటానికి సిద్ధం అవుతున్నారు.
Kuberaa Movie | కథ ఏమిటంటే..
దేశంలోనే సంపన్నుడైన నీరజ్ మిత్ర ప్రపంచంలోనే అత్యంత ధనవంతుడు కావాలని కలలు కంటాడు. దీని కోసం ఆపరేషన్ సాగర్ ప్రాజెక్ట్ను వినియోగించుకోవాలని భావిస్తాడు. అయితే దాని కోసం ఆయన రూ.50 వేల కోట్ల బ్లాక్ మనీ చెల్లించేలా ఒప్పందం కుదుర్చుకుంటాడు. ఈ డబ్బు తరలించడానికి మాజీ సీబీఐ అధికారి దీపక్ తేజ్ (నాగార్జున) సాయం తీసుకుంటాడు. అయితే దీపక్ నలుగురు బిచ్చగాళ్ల సాయంతో ఈ పనిని పూర్తి చేయాలని ప్లాన్ వేస్తాడు. వారి ద్వారా బ్లాక్ మనీ తరలించాలని యోచిస్తాడు. ప్లాన్ సక్సెస్ అయ్యాక వారిని చంపేయాలని చూస్తాడు. అయితే బిచ్చగాళ్లలో ఒకడైన దేవా (ధనుష్) డబ్బు తన ఖాతాలో పడగానే తప్పించుకుంటాడు. ఆ తర్వాత ఏం జరిగిందో తెలుసుకోవాలంటే సినిమాలో చూడాల్సిందే..
