7
అక్షరటుడే, బాన్సువాడ: బాన్సువాడ మున్సిపాలిటీ పరిధిలోని 2వ వార్డులో ఉన్న కొయ్యగుట్ట తండాను మున్సిపల్ పరిధి నుంచి తొలగించారు. ఈ మేరకు బుధవారం అధికారులు ఉత్తర్వుల ప్రతిని మున్సిపల్ కార్యాలయంలో ఏర్పాటు చేశారు. మున్సిపల్ సవరణ చట్టం 5/2024 కింద వార్డు నుంచి తండాను తొలగించినట్లు ప్రభుత్వం ఉత్తర్వులు జారీ చేసిందని కమిషనర్ శ్రీహరి రాజు తెలిపారు. ఇందుకు సంబంధించి సలహాలు, సూచనలు ఏమైనా ఉంటే ఆరు రోజుల్లోగా మున్సిపల్ కార్యాలయంలో సంప్రదించాలని ఆయన కోరారు.
