అక్షరటుడే, వెబ్డెస్క్ : Kondapur Flyover | హైదరాబాద్(Hyderabad)లో ట్రాఫిక్ ఇక్కట్లు అన్నిఇన్ని కావు. మహా నగరంలో రోజు రోజుకు వాహనాల సంఖ్య పెరుగుతోంది.
దీంతో ప్రజలు ట్రాఫిక్ సమస్య(Traffic Problems)తో ఇబ్బంది పడుతున్నారు. సాఫ్ట్వేర్ కంపెనీలు కొలువదీరిన కొండాపూర్(Kondapur), గచ్చిబౌలి(Gachibowli) ప్రాంతాల్లో రద్దీ అధికంగా ఉంటుంది. ఈ క్రమంలో ట్రాఫిక్ కష్టాలు తీర్చేందుకు ప్రభుత్వం చర్యలు చేపట్టింది. కొండాపూర్–గచ్చిబౌలి మార్గంలో నిర్మించిన ఫ్లై ఓవర్ను జూన్ మొదటి వారంలో ప్రారంభించాలని నిర్ణయించింది.
గచ్చిబౌలి- కొండాపూర్ ఫ్లై ఓవర్ (Gachibowli-Kondapur Flyover)ను రూ.172 కోట్లతో 1.2 కిలోమీటర్ల మేర నిర్మించారు. దీనిని జూన్ మొదటి వారంలో సీఎం రేవంత్రెడ్డి(CM Revanth Reddy) ప్రారంభించనున్నారు. ఈ మేరకు అధికారులు ఏర్పాట్లు చేస్తున్నారు. కాగా.. ఇక్కడ త్రీ లెవెల్ ఫ్లై ఓవర్లను ప్రభుత్వం నిర్మించింది. మొదటి దశలో గచ్చిబౌలి జంక్షన్ ఫ్లై ఓవర్ నిర్మించారు.
లెవల్ –2లో శిల్పా లేఔట్ ఫేజ్–1 ఫ్లై ఓవర్ నిర్మించారు. ఈ రెండు ఫ్లై ఓవర్లు ప్రస్తుతం వినియోగంలో ఉన్నాయి. వాహనదారులకు ప్రయాణం మరింత సులభతరం చేయడానికి మూడో దశలో 1.2 కిలోమీటర్ల మేర మరో ఫ్లై ఓవర్ నిర్మించారు. దీంతో గచ్చిబౌలి నుంచి ఓఆర్ఆర్, హైటెక్ సిటీ వెళ్లడానికి సమయం ఆదా కానుంది.
