అక్షరటుడే, వెబ్​డెస్క్: Local Body Elections | స్థానిక సంస్థల ఎన్నికలకు ప్రభుత్వం సిద్ధం అవుతోంది. సెప్టెంబర్​ 30లోపు ఎన్నికలు నిర్వహించాలని హైకోర్టు(High Court) ఆదేశించిన విషయం తెలిసిందే. దీంతో ప్రభుత్వం స్థానిక ఎన్నికల్లో బీసీ రిజర్వేషన్ల కోసం ఆర్డినెన్స్​ జారీ చేయాలని నిర్ణయించింది.

ఈ మేరకు ఆర్డినెన్స్​ను గవర్నర్ (Governer)​ ఆమోదం కోసం పంపింది. ఒకటి, రెండు రోజుల్లో ఆర్డినెన్స్​ను ఆయన ఆమోదం తెలిపే అవకాశం ఉంది. అనంతరం ప్రభుత్వం స్థానిక ఎన్నికల నోటిఫికేషన్​ విడుదల చేయనుంది. ఈ క్రమంలో తాజాగా పంచాయతీరాజ్​ ప్రిన్సిపల్​ సెక్రెటరీ డీపీవోలకు కీలక ఆదేశాలు జారీ చేశారు.

ఎన్నికల నిర్వహణకు గ్రామాల్లో తీసుకోవాల్సిన చర్యలపై ప్రభుత్వం దృష్టి పెట్టింది. ఎన్నికల కోసం అవసరమైన సామగ్రి గ్రామాల్లో అందుబాటులో ఉందా లేదా అనే వివరాలు సేకరించాలని ప్రిన్సిపల్​ సెక్రెటరీ(Principal Secretary) ఆదేశించారు. శనివారం వివరాలు సేకరించి నివేదిక పంపించాలని సూచించారు. అవసరమైన సామగ్రి కోసం ఇండెంట్​ పెట్టాలన్నారు.

Local Body Elections | సిబ్బందికి శిక్షణ

స్థానిక ఎన్నికల (Local Body Elections) కోసం ఇప్పటికే సిబ్బందికి ప్రభుత్వం సిబ్బందికి శిక్షణ కార్యక్రమాలు నిర్వహించింది. బీఎల్​వోలు, ఎన్నికల అధికారులకు కీలక సూచనలు చేసింది. దీంతో త్వరలోనే ఎన్నికల నోటిఫికేషన్​ వెలువడే అవకాశం ఉంది. ఈ మేరకు అధికారులు అన్ని ఏర్పాట్లు చేస్తున్నారు.

Local Body Elections | స్థానాల ఖరారు

ఎన్నికల నిర్వహణ కోసం ప్రభుత్వం పంచాయతీ, ఎంపీటీసీ, జెడ్పీటీసీ స్థానాలను సైతం ఖరారు చేసింది. రాష్ట్రంలో 12,778 గ్రామ పంచాయతీలు, 1.12 లక్షలు వార్డులు ఉన్నట్లు ప్రభుత్వం ఉత్తర్వులు జారీ చేసింది. అలాగే  31 జెడ్పీ చైర్​పర్సన్​లు, 566 జెడ్పీటీసీ స్థానాలు ఉన్నట్లు ప్రకటించింది. 566 ఎంపీపీలు, 5,773 ఎంపీటీసీలు ఉన్నట్లు వివరాలు వెల్లడించింది. బీసీ రిజర్వేషన్ల(BC Reservations)పై ఆర్డినెన్స్​ వచ్చాక ఆయా స్థానాలకు రిజర్వేషన్లు ఖరారు చేయనుంది.