అక్షరటుడే, వెబ్డెస్క్: BC Reservations | స్థానిక సంస్థల ఎన్నికల్లో బీసీలకు 42శాతం రిజర్వేషన్లు కల్పిస్తామని ప్రభుత్వం ప్రకటించిన విషయం తెలిసిందే. ఇందులో భాగంగా అసెంబ్లీలో బిల్లులు (assembly Bills)ఆమోదించి కేంద్రానికి పంపింది.
అయితే కేంద్రం నుంచి ఆ బిల్లులకు ఆమోదం రాకపోవడంతో ఆర్డినెన్స్ ద్వారా బీసీలకు 42 శాతం రిజర్వేషన్లు ఇవ్వాలని ప్రభుత్వం నిర్ణయించింది. ఈ మేరకు ఇటీవల మంత్రివర్గం ఆమోదం తెలపగా.. తాజాగా ఆర్డినెన్స్ను సిద్ధం చేసిన ప్రభుత్వం గవర్నర్ ఆమోదానికి పంపింది. ఈ ఆర్డినెన్స్ను గవర్నర్ ఆమోదిస్తే బీసీ రిజర్వేషన్లు (BC reservations) అమలులోకి రానున్నాయి.
BC Reservations | వేగం పెంచిన ప్రభుత్వం
రాష్ట్రంలో సెప్టెంబర్ 30 లోపు పంచాయతీ ఎన్నికలు (panchayat elections) నిర్వహించాలని హైకోర్టు ఆదేశించిన విషయం తెలిసిందే. దీంతో స్థానిక సంస్థల ఎన్నికల నిర్వహణకు ప్రభుత్వం సిద్ధం అవుతోంది. ఈ క్రమంలో బీసీ రిజర్వేషన్ల ఆర్డినెన్స్ను (BC reservation ordinance) మంగళవారం గవర్నర్ ఆమోదం కోసం పంపింది. 2018లో తీసుకొచ్చిన చట్టానికి సవరణ చేస్తూ తాజాగా ఆర్డినెన్స్ తీసుకు వచ్చారు. న్యాయపరమైన చిక్కులు రాకుండా ముసాయిదా డ్రాఫ్డ్ను ప్రభుత్వం గవర్నర్కు పంపింది. ఆయన ఆమోదించగానే.. ఆర్డినెన్స్ నోటిఫికేషన్ విడుదల చేయనుంది.
BC Reservations | 2018లో తగ్గింపు
బీఆర్ఎస్ (BRS Party) హయాంలో పంచాయతీ రాజ్ చట్టం 2018 తీసుకోచ్చారు. ఆ సమయంలో బీసీ రిజర్వేషన్లు 32శాతం నుంచి 22శాతానికి తగ్గించారు. అంతేగాకుండా పదేళ్లు ఒకే రిజర్వేషన్ ఉండేలా చట్టంలో పొందుపరిచారు. అయితే తాజాగా ఆ చట్టానికి సవరణ చేస్తూ ప్రభుత్వం ఆర్డినెన్స్ సిద్ధం చేసింది. 2018లో 22 శాతానికి తగ్గించిన బీసీ రిజర్వేషన్లను 42శాతానికి పెంచింది.
