KCR | త్వరలో కేసీఆర్​ సీఎం అవుతారు.. బీజేపీ నేత సంచలన వ్యాఖ్యలు

అక్షరటుడే, వెబ్​డెస్క్ : KCR | బీజేపీ నేత, మాజీ ఎమ్మెల్యే ఎన్వీఎస్‌ఎస్ ప్రభాకర్(Former MLA NVSS Prabhakar) సంచలన వ్యాఖ్యలు చేశారు. త్వరలో రాష్ట్రంలో సీఎం(CM) మారుతారని ఆయన పేర్కొన్నారు. ఈ మేరకు కాంగ్రెస్(Congress), బీఆర్ఎస్(BRS) మధ్య డీల్ కుదిరిందని ఆయన ఆరోపించారు. రేవంత్​రెడ్డి(Revanth Reddy) స్థానంలో కేసీఆర్ సీఎం(KCR CM) అవుతారని చెప్పారు. ఇందుకోసం బీఆర్​ఎస్​ కాంగ్రెస్​లో విలీనం అవుతుందని ఆయన వ్యాఖ్యానించారు. జూన్ 2న లేదా డిసెంబర్ 9 తర్వాత విలీనం ఉంటుందని ప్రభాకర్​ తెలిపారు. కేటీఆర్(KTR) నాయకత్వంలో పని చేస్తానన్న హరీష్‌రావు(Harish Rao) వ్యాఖ్యలే అందుకు నిదర్శనం అని ఆయన పేర్కొన్నారు. కాగా మంగళవారం హరీశ్ రావు మాట్లాడుతూ.. తాను కేసీఆర్​కు క్రమశిక్షణ కలిగిన కార్యకర్తనని చెప్పారు. కేటీఆర్​కు పార్టీ బాధ్యతలు అప్పగిస్తే స్వాగతిస్తానని పేర్కొన్నారు. ఈ క్రమంలో ఎన్వీఎస్​ఎస్​ ప్రభాకర్​ వ్యాఖ్యలు చేయడం గమనార్హం.