Karimnagar Mayor Tension | కరీంనగర్​ మేయర్​ పీఠంపై ఉత్కంఠ

అక్షరటుడే, వెబ్​డెస్క్: Karimnagar Mayor Tension | కరీంనగర్​ మేయర్​ పీఠంపై ఉత్కంఠ నెలకొంది. 30 సీట్లు గెలిచిన బీజేపీ (BJP)కి మేయర్​ పదవి దక్కకుండా కాంగ్రెస్​ యత్నిస్తున్నట్లు సమాచారం.

కరీంనగర్​లో 66 వార్డులు ఉండగా.. బీజేపీ 30 స్థానాల్లో గెలిచింది. కాంగ్రెస్​ 14, బీఆర్​ఎస్​ 9, స్వతంత్ర అభ్యర్థులు 8 మంది, ఫార్వార్డ్​ బ్లాక్​ నుంచి ఇద్దరు గెలిచారు. పలువురు స్వతంత్ర అభ్యర్థులు బీజేపీలో చేరారు. దీంతో మ్యాజిక్​ ఫిగర్​కు కావాల్సిన బలం ఆ పార్టీకి వచ్చింది. అయితే బీజేపీ క్యాంప్​ నుంచి పలువురిని కాంగ్రెస్ (Congress)​ లాగినట్లు తెలుస్తోంది. ఆదివారం మంత్రి పొన్నం ప్రభాకర్​ (Minister Ponnam Prabhakar)మాట్లాడుతూ.. తాము మేయర్​ పీఠం కోసం ప్రయత్నాలు చేస్తున్నట్లు తెలిపిన విషయం తెలిసిందే. దీంతో రాజకీయ సమీకరణాలు వేగంగా మారుతున్నాయి.

Karimnagar Mayor Tension | కాంగ్రెస్​ స్కెచ్​

మేయర్ పీఠం బీజేపీకి దక్కకుండా కాంగ్రెస్ స్కెచ్ వేసినట్లు సమాచారం. మేయర్ అభ్యర్థిగా ఇండిపెండెంట్ కౌన్సిలర్ పేరు ప్రతిపాదించినట్లు తెలిసింది. మరోవైపు బీఆర్​ఎస్​ (BRS) ఓటింగ్​కు దూరంగా ఉండాలని నిర్ణయించింది. దీంతో మేజిక్ ఫిగర్ 30కి తగ్గనుంది. ప్రస్తుతం బీజేపీకి 30 మంది సభ్యులు ఉన్నారు. ఎంపీ సంజయ్​ (MP Sanjay) ఎక్స్​ అఫీషియో ఓటుతో కలుపుకుంటే ఆ పార్టీ సులువగా మేయర్​ పీఠాన్ని దక్కించుకుంటుంది. అయితే కాంగ్రెస్​ ఏం చేస్తుందా అనే ఉత్కంఠ నెలకొంది. మరోవైపు కేంద్ర మంత్రి బండి సంజయ్​ (Union Minister Bandi Sanjay) తమ పార్టీ కౌన్సిలర్లతో క్యాంపు నుంచి కరీంనగర్​ చేరుకున్నారు. నగరంలోని ఓ హోటల్​లో వారితో సమావేశం అయ్యారు. మేయర్ పీఠం దక్కించుకునేందుకు ఆయన చక్రం తిప్పుతున్నారు.