అక్షరటుడే, కామారెడ్డి: Kamareddy Political Tensions | కామారెడ్డిలో ఎమ్మెల్యే కేవీఆర్(MLA KVR), షబ్బీర్అలీ మధ్య ఆరోపణలు.. ప్రత్యారోపణలు (Telangana Politics) రాష్ట్రవ్యాప్తంగా సంచలనంగా మారాయి. స్థానికంగా ఉన్న ప్రభుత్వ డిగ్రీ కళాశాల(Government Degree College Kamareddy) భూముల విషయమై బీజేపీ, కాంగ్రెస్ నాయకులు మూడు రోజులుగా ఒకరిపై ఒకరు ఆరోపణలు చేసుకుంటూ ఉన్నారు. తాజాగా శనివారం స్థానిక శిశుమందిర్ వద్ద కలుద్దామని సవాల్ విసురుకున్నారు. దీంతో పట్టణంలో ఉద్రిక్తత నెలకొంది.
Kamareddy Political Tensions | బీజేపీ చీఫ్ రాంచందర్ రావు హౌస్ అరెస్ట్..
ఎమ్మెల్యేకు మద్దతుగా బీజేపీ నేతలు కామారెడ్డి పట్టణానికి రావాలని నిర్ణయించారు. అయితే జిల్లాలో నెలకొన్న ఉద్రిక్త పరిస్థితుల క్రమంలో పోలీసులు అప్రమత్తమయ్యారు. కామారెడ్డికి బయలుదేరిన రాష్ట్ర అధ్యక్షుడు రామచందర్ రావును హౌస్ అరెస్ట్ చేసినట్లుగా తెలుస్తోంది. అలాగే నిజామాబాద్ మాజీ ఎమ్మెల్యే యెండల లక్ష్మీనారాయణను(Yendala Lakshminarayana) భిక్కనూర్ టోల్ ప్లాజా వద్ద పోలీసులు అరెస్ట్ చేశారు. మిగతా నాయకులు కూడా కామారెడ్డికి రాకుండా పోలీసులు ఎక్కడికక్కడ అరెస్ట్ చేసే అవకాశాలు ఉన్నట్టుగా తెలుస్తోంది. ఈ నేపథ్యంలో కామారెడ్డిలో ఏం జరగబోతుంది అనేది చర్చనీయాంశంగా మారింది. రాష్ట్ర నాయకులు, ఎమ్మెల్సీ, ఎమ్మెల్యేలు కామారెడ్డికి రాని పక్షంలో ఎమ్మెల్యే వెంకట రమణారెడ్డి సాయంత్రం 4 గంటలకు మీడియాతో మాట్లాడే అవకాశాలు ఉన్నాయి.
ఎమ్మెల్యే రాకేష్ రెడ్డి, ఎమ్మెల్సీ అంజిరెడ్డిని..
ఎమ్మెల్యే కేవీఆర్కు మద్దతుగా మాట్లాడేందుకు హైదరాబాద్ నుంచి ఎమ్మెల్యే రాకేష్రెడ్డి(MLA Rakesh Reddy), ఎమ్మెల్సీ అంజిరెడ్డి(MLC Anji Reddy) కామారెడ్డికి బయలు దేరారు. దీంతో సమాచారం తెలుసుకున్న పోలీసులు (Police Detention) వారిని మేడ్చల్ వద్ద అడ్డుకున్నారు. కామారెడ్డికి వెళ్తే ఉద్రిక్త పరిస్థితులు మరింత పెరిగే అవకాశం ఉంటుందని పోలీసులు వారికి నచ్చజెప్పారు. అనంతరం వారిని అక్కడి నుంచి తరలించారు.
