అక్షరటుడే, కామారెడ్డి : Kamareddy Municipal Hung Politics | మున్సిపల్ ఎన్నికల్లో (Municipal Elections) భాగంగా కామారెడ్డి రాజకీయం రసవత్తరంగా మారింది. మున్సిపల్ చైర్మన్ పీఠాన్ని అధిష్టించేందుకు కావాల్సిన మెజారిటీ ఏ పార్టీకి రాకపోవడంతో కామారెడ్డిలో హంగ్ ఏర్పడింది.
స్వతంత్ర అభ్యర్థులు ముగ్గురు గెలుపొందడంతో ఎలాగో వాళ్లు అధికార పార్టీ గూటికే చేరతారనే ప్రచారం సాగింది. చివరికి అదే నిజమైంది. శుక్రవారం రాత్రి ముగ్గురు స్వతంత్ర అభ్యర్థులైన ఇప్ప ఉమారాణి, సాహెబ్ నాగమణి, షేక్ బబ్లూ షబ్బీర్ అలీ సమక్షంలో కాంగ్రెస్ పార్టీ (Congress Party)లో చేరారు. దాంతో ఎన్నికల్లో 19స్థానాలు గెలిచిన కాంగ్రెస్ బలం 22కు చేరింది.
Kamareddy Municipal Hung Politics | మ్యాజిక్ ఫిగర్ 25..
ప్రస్తుతం కామారెడ్డి చైర్మన్ పీఠం దక్కాలంటే ఏ పార్టీకి అయినా మ్యాజిక్ ఫిగర్ 25 ఉండాలి. మ్యాజిక్ ఫిగర్కు కాంగ్రెస్ పార్టీ చేరువలో ఉండటంతో రాజకీయం రసవత్తరంగా మారింది. బీజేపీ 16 స్థానాలు, బీఆర్ఎస్ 11స్థానాలు గెలుచుకుంది. ఈ క్రమంలో బీజేపీ కౌన్సిలర్లు కాంగ్రెస్కు సపోర్ట్ చేసే పరిస్థితి లేదు. దాంతో ఇప్పుడు బీఆర్ఎస్ కౌన్సిలర్లు కీలకంగా మారనున్నారు. బీఆర్ఎస్ (BRS) ఏపార్టీకి మద్దతిస్తే ఆ పార్టీ చైర్మన్ పీఠాన్ని కైవసం చేసుకోనుంది. ఈనెల 16న ఛైర్మన్ ఎన్నిక ఉండటంతో పార్టీ అభ్యర్థులు చేజారకుండా ఉండేందుకు అన్ని పార్టీల నాయకులు తమ కౌన్సిలర్లను క్యాంప్లకు తరలించారు.
Kamareddy Municipal Hung Politics | బీఆర్ఎస్ నిర్ణయమే కీలకం
కామారెడ్డి మున్సిపాలిటీ (Kamareddy Municipality)లో హంగ్ రావడం చర్చనీయాంశంగా మారింది. గత పదేళ్ల పాటు కామారెడ్డి మున్సిపాలిటీని ఏలిన బీఆర్ఎస్ ఇప్పుడు అధికారం చేపట్టబోయే పార్టీకి తప్పనిసరిగా మద్దతు ఇవ్వాల్సి రావడం హాట్ టాపిక్గా మారింది. దాంతో రాష్ట్రవ్యాప్తంగా కాంగ్రెస్, బీఆర్ఎస్ పార్టీల మధ్య జరుగుతున్న పరిణామాలు ప్రస్తుతం చర్చకు వస్తున్నాయి. ఫలితంగా కాంగ్రెస్ పార్టీకి బీఆర్ఎస్ మద్దతు ఇస్తుందా లేదా అనే చర్చ పొలిటికల్ వర్గాల్లో సాగుతుంది. అటు కాంగ్రెస్, ఇటు బీజేపీ రెండు పార్టీలు బీఆర్ఎస్ వైపు చూడాల్సిన పరిస్థితి నెలకొంది. ఈ క్రమంలో ఆ పార్టీ డిమాండ్స్ ఏ విధంగా ఉండబోతున్నాయనే చర్చ సాగుతోంది. ప్రస్తుతం క్యాంప్ రాజకీయాల నేపథ్యంలో రెండు రోజుల్లో ఏదైనా జరగవచ్చనే చర్చ సాగుతోంది
