ACB Case | కాళేశ్వరం ప్రాజెక్ట్​ ఈఈ శ్రీధర్​ కస్టడీకి అనుమతి

అక్షరటుడే, వెబ్​డెస్క్ : ACB Case | కాళేశ్వరం ప్రాజెక్ట్ (Kaleshwaram Project)​ ఈఈగా ఉన్న సమయంలో భారీగా అక్రమాలకు పాల్పడి కోట్లకు పడగలెత్తిన నూనె శ్రీధర్ (NuneSridhar)​ ఇళ్లపై ఇటీవల ఏసీబీ (ACB) దాడులు చేసిన విషయం తెలిసిందే. రూ.200 కోట్లకు పైగా ఆయన అక్రమాస్తులు ఉన్నట్లు గుర్తించిన ఏసీబీ అధికారులే షాక్​ అయ్యారు. అయితే ఆయనను గతంలో అరెస్ట్​ చేయగా నాంపల్లి ఏసీబీ కోర్టు రిమాండ్​ విధించింది. దీంతో ఆయన ప్రస్తుతం చర్లపల్లి జైలులో ఉన్నారు. ఈ క్రమంలో శ్రీధర్​ను కస్టడీకి ఇవ్వాలని ఏసీబీ ఇటీవల పిటిషన్​ వేసింది. వారం రోజులు కస్టడీకి ఇవ్వాలని ఏసీబీ కోరగా.. ఐదు రోజులు కస్టడీకి ఇస్తూ కోర్టు తీర్పు చెప్పంది. దీంతో శుక్రవారం నుంచి ఐదు రోజుల పాటు నూనె శ్రీధర్ను ఏసీబీ అధికారులు ప్రశ్నించనున్నారు.