Jubilee Hills by-election | జూబ్లీహిల్స్​ ఉప ఎన్నిక.. ప్రధాన అభ్యర్థుల ఆస్తులు ఎంతంటే?

6

అక్షరటుడే, వెబ్​డెస్క్ : Jubilee Hills by-election | జూబ్లీహిల్స్​ ఉప ఎన్నికల నామినేషన్​ పర్వం ముగిసింది. కాంగ్రెస్​, బీఆర్​ఎస్​, బీజేపీ అభ్యర్థలతో పాటు చాలా మంది నామినేషన్లు దాఖలు చేశారు.

మాగంటి గోపినాథ్​ మృతితో వచ్చిన ఉప ఎన్నికల్లో బీఆర్​ఎస్​ తన అభ్యర్థిగా ఆయన సతీమణి సునీతను బరిలో నిలిపింది. కాంగ్రెస్​ బీసీ నేత, నగరం (Hyderabad)లో పట్టు ఉన్న సామాజిక వర్గానికి చెందిన నవీన్​యాదవ్​ను ఎంపిక చేసింది. బీజేపీ నుంచి గత ఎన్నికల్లో పోటీ చేసి ఓడిపోయిన లంకల దీపక్​రెడ్డి పోటీ చేస్తున్నారు. ఈ ముగ్గురు అభ్యర్థులు నామినేషన్లు (nominations) దాఖలు చేశారు. ఎన్నికల అఫిడవిట్​లో తమ ఆస్తులు, అప్పులు, ఇతర వివరాలు పొందరుపరిచారు.

Jubilee Hills by-election | కాంగ్రెస్​ అభ్యర్థి ఆస్తులే ఎక్కువ

కాంగ్రెస్​ అభ్యర్థి నవీన్​ యాదవ్ (Naveen Yadav)​ తన ఆస్తులు రూ.30.3 కోట్లుగా ప్రకటించారు. బ్యాచిలర్​ ఆప్​ ఆర్కిటెక్చర్​ చదివిన ఆయనపై 7 క్రిమినల్​ కేసులు ఉన్నాయి. బేగంపేటలోని సీఎస్​ఐఐటీలో బ్యాచిలర్​ ఆప్​ ఆర్కిటెక్చర్​ చదివారు. ఆయన పేరు మీద మొత్తం రూ.30.3 కోట్ల ఆస్తులు ఉండగా.. చరస్తులు రూ.63,87,813, స్థిరాస్తులు రూ.29,66,39,250 ఉన్నాయి. అప్పులు రూ.75 లక్షలు ఉన్నట్లు తెలిపారు. ఆయన భార్య వర్ష యాదవ్​ పేరిట రూ.8.25 కోట్లు, కుమారుడి పేరిట రూ.19.31 లక్షల విలువైన ఆస్తులు ఉన్నాయి.

Jubilee Hills by-election | దీపక్​రెడ్డి ఆస్తులు రూ.4.48 కోట్లు

బీజేపీ అభ్యర్థి లంకల దీపక్​రెడ్డి (Lankala Deepak Reddy) తన పేరిట 4.48 కోట్ల ఆస్తులు ఉన్నట్లు ప్రకటించారు. ఇందులో చరాస్తులు రూ.37,54,624, స్థిరాస్తులు రూ. 4,10,00,000 ఉన్నాయి. అప్పులు రూ.8,14,776 ఉన్నట్లు తెలిపారు. హైదరాబాద్​లోని సెంట్​ మేరి జూనియర్​ కాలేజీలో ఆయన ఇంటర్​ వరకు చదివారు. తనపై 5 క్రిమినల్ కేసులు ఉన్నట్లు అఫిడవిట్​లో పేర్కొన్నారు. ఆయన భార్యపై రూ.1.54 కోట్ల ఆస్తులు ఉన్నాయి.

Jubilee Hills by-election | సునీత పేరిట రూ.12.29 కోట్లు

బీఆర్​ఎస్​ అభ్యర్థి మాగంటి సునీత (Maganti Sunitha) పేరిట రూ.12.29 కోట్ల ఆస్తులు ఉన్నాయి. రూ.4.40 కోట్ల అప్పులు ఉన్నట్లు ఆమె పేర్కొన్నారు. ఆమె పదో తరగతి వరకు మాత్రమే చదివారు. ఏపీలోకి కృష్ణా జిల్లా పెనమాలూరు జెడ్పీహెచ్​ఎస్​లో​ ఆమె టెన్త్​ చదివారు. సునీత ముగ్గురు పిల్లల పేరు మీద మొత్తం రూ.12.71 కోట్ల ఆస్తులు ఉండగా.. రూ.3.15 కోట్ల అప్పులు ఉన్నాయి.