Wrestling competitions | మాచాపూర్​లో ఉమ్మడి జిల్లా రెజ్లింగ్​ పోటీలు ప్రారంభం

అక్షరటుడే, ఎల్లారెడ్డి: Wrestling competitions | ఎస్జీఎఫ్​ ఉమ్మడి జిల్లా రెజ్లింగ్​ పోటీలు (SGF Joint District Wrestling Competitions) మంగళవారం మండలంలోని మాచాపూర్​ ఉన్నత పాఠశాలలో ప్రారంభమయ్యాయి. పోటీలను ఆర్డీవో పార్థ సింహారెడ్డి (RDO Partha Singhareddy) ప్రారంభించారు. ఈ సందర్భంగా ఆయన మాట్లాడుతూ.. క్రీడాకారులు గెలుపోటములు సమానంగా తీసుకోవాలని సూచించారు.

క్రీడల్లో ఉత్తమ ప్రతిభ చూపితే భవిష్యత్తు బాగుంటుందని అన్నారు. కార్యక్రమంలో ఏఎంసీ ఛైర్మన్ రజిత వెంకట్ రెడ్డి, మండల విద్యాధికారి రాజులు, ఎస్జీఎఫ్​ జిల్లా కార్యదర్శి హీరా లాల్, పాఠశాల ప్రధానోపాధ్యాయులు మహేందర్ రెడ్డి, నర్సింలు, రెజ్లింగ్ అసోసియేషన్​ అధ్యక్షుడు విజయ్ చౌహన్, కార్యదర్శి పవన్ కుమార్, రిటైర్డ్ ఉపాధ్యాయులు ఆకుల కిష్ణయ్య, పాఠశాల ఉపాధ్యాయులు గ్రామస్థులు పాల్గొన్నారు.