అక్షరటుడే, వెబ్డెస్క్: IT Sector Sales | భారత్, యూఎస్ల మధ్య వాణిజ్య ఒప్పందంతో (trade agreement) గత సెషన్లో భారీ లాభాలతో ముగిసిన సూచీలు.. ఐటీ సెక్టార్లో సెల్లాఫ్తో బుధవారం నష్టాలతో ప్రారంభమయ్యాయి. యూఎస్కు చెందిన ప్రముఖ ఏఐ సంస్థ యాంథ్రోపిక్.. డాక్యుమెంట్ రివ్యూస్, డాటా అనాలసిస్ చేయగల కొత్త ఏఐ టూల్స్ తీసుకువచ్చింది. దీంతో ఆయా సేవలు అందించే భారతీయ ఐటీ కంపెనీలు (Indian IT companies) తీవ్ర ఒత్తిడికి గురయ్యాయి. ఇన్ఫోసిస్, టీసీఎస్, హెచ్సీఎల్ టెక్, టెక్ మహీంద్రా కంపెనీలు భారీగా నష్టపోయాయి. అయితే మిగతా రంగాల స్టాక్స్ రాణించడంతో మధ్యాహ్నం తర్వాత ప్రధాన సూచీలు లాభాల బాట పట్టాయి.
బుధవారం ఉదయం సెన్సెక్స్ (Sensex) 487 పాయింట్ల నష్టంతో ప్రారంభమై మరో 133 పాయింట్లు పడిపోయింది. కనిష్టాల వద్ద కొనుగోళ్ల మద్దతుతో అక్కడినుంచి కోలుకుని క్రమంగా 828 పాయింట్లు పెరిగింది. నిఫ్టీ 52 పాయింట్ల నష్టంతో ప్రారంభమై మరో 112 పాయింట్లు దిగజారింది. అయితే ఇంట్రాడే కనిష్టాలనుంచి కోలుకుని 255 పాయింట్లు పైకి ఎగబాకింది. యూఎస్, ఇరాన్ల మధ్య ఉద్రిక్తతల నేపథ్యంలో క్రూడ్ ఆయిల్ ధర పెరగడం, రూపాయి విలువ మళ్లీ బలహీనపడడం వంటి కారణాలతో ఇన్వెస్టర్లు ఆచితూచి వ్యవహరించారు. చివరికి సెన్సెక్స్ 78 పాయింట్ల లాభంతో 83,817 వద్ద, నిఫ్టీ 48 పాయింట్ల లాభంతో 25,776 వద్ద స్థిరపడ్డాయి.
IT Sector Sales | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 2,726 కంపెనీలు లాభపడగా 1,477 స్టాక్స్ నష్టపోయాయి. 163 కంపెనీలు ఫ్లాట్గా ముగిశాయి. 89 కంపెనీలు 52 వారాల గరిష్టాల వద్ద ఉండగా.. 90 కంపెనీలు 52 వారాల కనిష్టాల వద్ద కదలాడాయి. 10 కంపెనీలు అప్పర్ సర్క్యూట్ను, 10 కంపెనీలు లోయర్ సర్క్యూట్ను తాకాయి. బీఎసఈలో నమోదైన కంపెనీల సంపద విలువ రూ. 2 లక్షల కోట్ల మేర పెరిగింది.
IT Sector Sales | ఐటీ, ఫార్మా మినహా..
బీఎస్ఈలో ఐటీ, ఫార్మా రంగాల స్టాక్స్ మినహా మిగతా రంగాలన్నీ రాణించాయి. ఐటీ ఇండెక్స్ 6 శాతం వరకు నష్టపోయింది. ఫార్మా ఇండెక్స్ 0.38 శాతం నష్టపోయింది. యుటిలిటీ, కన్జూమర్ డ్యూరెబుల్, ఆయిల్ అండ్ గ్యాస్, ఎనర్జీ, పవర్, ఇన్ఫ్రా, ఆటో, పీఎస్యూ, మెటల్ ఇండెక్స్లు లాభాలతో ముగిశాయి.
IT Sector Sales | Top gainers..
బీఎస్ఈ సెన్సెక్స్లో 23 స్టాక్స్ లాభాలతో, 7 స్టాక్స్ నష్టాలతో ముగిశాయి. ఎటర్నల్ 5.22 శాతం, ట్రెంట్ 5.13 శాతం, ఎన్టీపీసీ 2.44 శాతం, అదానిపోర్ట్స్ 2.7 శాతం, పవర్గ్రిడ్ 2.15 శాతం లాభపడ్డాయి.
IT Sector Sales | Top losers..
ఇన్ఫోసిస్ 7.19 శాతం, టీసీఎస్ 6.95 శాతం, హెచ్సీఎల్ టెక్ 4.22 శాతం, టెక్ మహీంద్రా 4.12 శాతం, యాక్సిస్ బ్యాంక్ 1.27 శాతం నష్టపోయాయి.
