అక్షరటుడే, వెబ్డెస్క్ : Israel Strikes | ఇజ్రాయెల్ (Israel) యెమెన్పై విరుచుకుపడింది. హోతీ నేతలే లక్ష్యంగా దాడులకు పాల్పడింది. ఈ ఘటనలో యెమెన్లో రెబల్ ప్రభుత్వాన్ని నడుపుతున్న ప్రధాని ముజాహిద్ అహ్మద్ గాలీబ్ అల్-రహావీ హతమయ్యారు.
యెమెన్ (Yemen) రాజధాని సనాలో గురువారం ఇజ్రాయెల్ వైమానిక దాడులు చేపట్టింది. రెబల్ ప్రభుత్వ అధినేతలే లక్ష్యంగా ఈ దాడులకు చేపట్టగా.. ప్రధాన మంత్రితో పాటు పలువురు మంత్రులు మృతి చెందారు. వారి మృతిని హోతీలు ధ్రువీకరిస్తూ శనివారం ప్రకటన విడుదల చేశారు.
Israel Strikes | ప్రతీకారం తీర్చుకుంటాం
యెమెన్లో రెండు ప్రభుత్వాలు నడుస్తున్నాయి. ఇరాన్ మద్దతు ఉన్న హోతీలు (Houthis) సమాంతర ప్రభుత్వాన్ని నడుపుతున్నారు. 2024 ఆగస్టు నుంచి రెబెల్ ప్రభుత్వం నడుస్తుండగా.. ప్రధానిగా రహావీ కొనసాగుతున్నారు. ఉత్తర యెమెన్పై పట్టున్న హోతీలు 2014లో సనా నగరాన్ని ఆక్రమించుకున్నారు. కాగా.. తమ ప్రధాని హత్యకు ప్రతీకారం తీర్చుకుంటామని హోతీలు ప్రకటించారు. టెల్అవీవ్ దాడులను ఎదుర్కొంటామని పేర్కొన్నారు. “మేము ప్రతీకారం తీర్చుకుంటాం, గాయాల లోతుల్లోంచి విజయాన్ని సాధిస్తాము” అని హౌతీల సుప్రీం పొలిటికల్ కౌన్సిల్ ఛైర్మన్, సైనిక అధికారి మహదీ అల్-మషత్ ఒక వీడియో సందేశంలో తెలిపారు.
Israel Strikes | 12 మంత్రులు మృతి!
సైనిక స్థావరాలే లక్ష్యంగా దాడులు చేపట్టామని ఇజ్రాయెల్ తెలిపింది. అయితే దేశంలో అభివృద్ధి పనులపై గురువారం ప్రధాని రహావీ మంత్రులతో సమావేశం నిర్వహించినట్లు తెలిసింది. ఈ సమయంలో టెల్అవీవ్ వైమానిక దాడులు చేపట్టింది. ఈ ఘటనలో ప్రధానితో పాటు 12 మంత్రులను హత మార్చినట్లు ఇజ్రాయెల్ అనధికారికంగా తెలిసింది. హోతీ రెబల్స్ కార్యాలయాలే లక్ష్యంగా దాడులు చేపట్టినట్లు ఐడీఎఫ్ ప్రకటించింది. మరిన్ని దాడులు చేస్తామని హోతీలను హెచ్చరించింది. కాగా హోతీలు హమాస్కు మద్దతు తెలుపున్నారు. ఎర్ర సముద్రంలో ఇజ్రాయెల్ సరకు రవాణా నౌకలపై దాడులు చేస్తున్నారు. ఈ క్రమంలో ఇజ్రాయెల్ వారిపై దాడులు చేపట్టింది.
