అక్షరటుడే, వెబ్డెస్క్: Israel – Iran | ఇరాన్ అణుస్థావరాలే లక్ష్యంగా ఇజ్రాయెల్ చేసిన దాడుల్లో కీలక విషయాలు వెలుగులోకి వస్తున్నాయి. 200 యుద్ధ విమానాలతో ఇరాన్లోని వంద లక్ష్యాలపై ఇజ్రాయెల్ దాడులకు పాల్పడినట్లు తెలుస్తోంది. అయితే అంత పెద్ద మొత్తంలో యుద్ధ విమానాలు(Fighter jets) దాడులు చేస్తున్నా.. ఇరాన్ రాడార్లు, గగనతల రక్షణ వ్యవస్థ స్పందించలేదు. దీనికి కారణం ముందుగానే మొస్సాద్(ఇజ్రాయెల్ నిఘా సంస్థ) కోవర్టు ఆపరేషన్(Covert operation) చేపట్టి వాటిని నిర్వీర్యం చేసినట్లు సమాచారం.
Israel – Iran | కోవర్టు ఆపరేషన్లతో..
మొస్సాద్ రహస్య ఆపరేషన్లు(Mossad covert operations) చేపట్టి ఇరాన్ గగనతల రక్షణ వ్యవస్థను దెబ్బ తీసినట్లు సమాచారం. దీంతో గురువారం రాత్రి టెల్ అవీవ్ దాడులకు అడ్డు లేకుండా పోయింది. ఏ దేశం అయినా దాడులకు పాల్పడే ముందు శత్రుదేశం గగనతల రక్షణ వ్యవస్థలను ధ్వంసం చేస్తుంది. ఇటీవల పాకిస్తాన్ ఉద్రిక్తతల సమయంలో భారత్ కూడా పాక్లోని రాడార్లు, గగనతల రక్షణ సిస్టమ్పై దాడి చేసింది. అయితే క్షిపణులు, డ్రోన్లతో వీటిని ధ్వంసం చేస్తారు. కానీ ఇజ్రాయెల్ మాత్రం మొస్సాద్ను రంగంలోకి దింపి కోవర్టు ఆపరేషన్ ద్వారా చేపట్టడం గమనార్హం.
Israel – Iran | 330 క్షిపణుల వినియోగం
ఇజ్రాయెల ఆపరేషన్ రైజింగ్ లయన్(Operation Rising Lion)లో భాగంగా ఇరాన్పై 200 యుద్ధ విమానాలతో దాడి చేసింది. ఈ విషయాన్ని ఐడీఎఫ్ అధికారులే(IDF officers) స్వయంగా వెల్లడించారు. మొత్తం 100 లక్ష్యాలపై దాడులు చేసినట్లు తెలిపారు. ఇందుకోసం 330 బాంబులు, క్షిపణులను వినియోగించినట్లు వివరించారు.
Israel – Iran | కీలక నేతలు, సైంటిస్టుల మృతి
ఇజ్రాయెల్ దాడుల్లో ఇరాన్ ఆర్మీ చీఫ్ బాఘేరి(Iranian Army Chief Bagheri), ఇరాన్ పారామిలిటరీ రెవల్యూషనరీ గార్డ్ చీఫ్ మేజర్ హోస్సేన్ సలామీ సహా పలువురు కీలక నేతలు మృతి చెందారు. పలువురు అణు శాస్త్రవేత్తలు కూడా మరణించారు. దీంతో ఇరాన్ ఆర్మీ తాత్కాలిక చీఫ్గా హబైబొల్లా సయ్యారి(Habibolla Sayyari)ని నియమించింది.
Israel – Iran | డ్రోన్లతో దాడులు చేస్తున్న ఇరాన్
ఇజ్రాయెల్ దాడులకు ప్రతీకారంగా ఇరాన్ డ్రోన్ల(Iran drones)తో దాడులకు పాల్పడుతోంది. వందల డ్రోన్లను తమ దేశం మీదకు ప్రయోగించినట్లు ఐడీఎఫ్ తెలిపింది. వాటిని కూల్చివేస్తున్నట్లు అధికారులు పేర్కొన్నారు.
Israel – Iran | భారత్ ఆందోళన
ఇరాన్– ఇజ్రాయెల్ ఉద్రిక్తతలపై భారత్(Bharath) ఆందోళన వ్యక్తం చేసింది. ఇరుదేశాలు దౌత్యపరంగా సమస్యను పరిష్కరించుకోవాలని సూచించింది. మరోవైపు ఇజ్రాయెల్ దాడులను సౌదీ ఖండించింది.
