అక్షరటుడే, వెబ్‌డెస్క్‌: IsmailKhanPeta Polytechnic College | మందుబాబులు చేసే పనులు కంపరంగా ఉంటాయి. తప్పతాగి వెర్రిగా ప్రవర్తిస్తూ ఎదుటివారికి చిర్రెక్కిస్తుంటారు. తాగిన మైకంలో కన్నూమిన్నూ కానరాకుండా ప్రవర్తిస్తుంటారు.
తాజాగా ఓ మందుబాబు తాగిన మైకంలో చేసిన పనికి తన ఉద్యోగం పోగొట్టుకున్నాడు. దీనికి సంబంధించిన వివరాలు ఈ విధంగా ఉన్నాయి.
IsmailKhanPeta Polytechnic College | సంగారెడ్డిలో..
వివరాల్లోకి వెళ్తే.. సంగారెడ్డి Sangareddy జిల్లా ఇస్మాయిల్ ఖాన్ పేట ప్రభుత్వ పాలిటెక్నిక్ కళాశాల ఉంది. దీనికి అనుబంధంగా వసతిగృహంలో వాచ్మన్గా నరేశ్ అనే వ్యక్తి ఉన్నాడు.
కాగా, ఇతడో పెద్ద తాగుబోతు. ఈ క్రమంలోనే ఇటీవల ఫూటుగా మద్యం తాగాడు. భోజనాలు వడ్డించే ప్లాట్ఫామ్పై ఉన్న అన్నం బానాలీ(గిన్నె)లో డర్టీగా ఉన్న తన కాలును పెట్టి గాఢ నిద్రలో మునిగిపోయాడు.
మధ్య మధ్యలో కాలు ఆడిస్తూ గుర్రు కొడుతూ ఉండిపోయాడు. కాగా, ఈ వ్యవహారం చూసిన విద్యార్థులు ఒక్కసారిగా షాక్ అయ్యారు. వెంటనే వీడియోను చిత్రీకరించి ఉన్నతాధికారులకు చేరవేశారు.
వాచ్మన్ నరేశ్ చేసిన వ్యవహారాన్ని వీడియోలో చూసిన ఉన్నతాధికారులు వెంటనే చర్యలు తీసుకోవాలని సంబంధిత డిపార్ట్మెంట్ అధికారులను ఆదేశించారు. అలా నరేశ్ ఉద్యోగం పోగొట్టుకున్నాడు.
