Homeతాజావార్తలుiQOO 15 | శాంసంగ్‌ డిస్‌ప్లేతో ఐక్యూ ఫోన్‌.. సేల్స్‌ ఎప్పటి నుంచంటే..!

iQOO 15 | శాంసంగ్‌ డిస్‌ప్లేతో ఐక్యూ ఫోన్‌.. సేల్స్‌ ఎప్పటి నుంచంటే..!

iQOO 15 | ప్రముఖ మొబైల్‌ తయారీ సంస్థ ఐక్యూ(IQOO) తన ఫ్లాగ్‌షిప్‌ మోడల్‌లో మరో ఫోన్‌ను రిలీజ్‌ చేసింది. భారీ బ్యాటరీ సామర్థ్యంతో తీసుకువచ్చిన iQOO 15 మోడల్‌కు శాంసంగ్‌ డిస్‌ప్లే ప్రధాన ఆకర్షణ. ఐదేళ్లపాటు ఓఎస్‌(OS) అప్‌డేట్స్‌, ఏడేళ్లపాటు సెక్యూరిటీ అప్‌డేట్స్‌ ఇవ్వనున్నట్లు కంపెనీ ప్రకటించింది.

- Advertisement -

అక్షరటుడే, న్యూఢిల్లీ: iQOO 15 | వివో(VIVO) అనుబంధ మొబైల్‌ తయారీ సంస్థ అయిన ఐక్యూ.. భారత్‌(Bharath)లో నూతన మోడల్‌ను లాంచ్‌ చేసింది. ఇందులో క్వాల్‌కమ్‌ ఆక్టాకోర్‌ స్నాప్‌డ్రాగన్‌ 8 ఎలైట్‌ zen 5 ప్రాసెసర్‌ అమర్చారు.

2k డిస్‌ప్లే, 144 Hz రిఫ్రెష్‌ రేటు వంటి అత్యాధునిక సదుపాయాలున్నాయి. అమెజాన్‌(Amazon)లో డిసెంబర్‌ 1 మధ్యాహ్నం 12 గంటల నుంచి ఈ ఫోన్‌ సేల్స్‌ ప్రారంభం కానున్నాయి. ఈ మోడల్‌ స్పెసిఫికేషన్స్‌ తెలుసుకుందామా..

డిస్‌ప్లే.. 6.85 అంగుళాల శాంసంగ్‌ 2k M14 లీడ్‌ ఓఎల్‌ఈడీ డిస్‌ప్లే అమర్చారు. ఇది 144 Hz రిఫ్రెష్‌ రేటును సపోర్ట్‌ చేస్తుంది. 2k రిజల్యూషన్‌ కలిగిన ఈ స్క్రీన్‌.. 6000 నిట్స్‌ పీక్‌ బ్రైట్‌నెస్‌ అందిస్తుంది. ఇందులో 8k వ్యాపర్‌ చాంబర్‌ కూలింగ్‌ సిస్టమ్‌ ఉంది. ఐపీ68, ఐపీ69 డస్ట్‌, వాటర్‌ ప్రూఫ్‌ రేటింగ్‌ కలిగి ఉంది.

సాప్ట్‌వేర్‌.. క్వాల్‌కమ్‌కు చెందిన ఫ్లాగ్‌షిప్‌ ప్రాసెసర్‌(Processor) స్నాప్‌డ్రాగన్‌ 8 ఎలైట్‌ జన్‌ 5 ప్రాసెసర్‌ అమర్చారు. ఇది ఆండ్రాయిడ్‌ 16 ఆధారిత ఆరిజన్‌ OS6 తో పనిచేస్తుంది. 5 ఏళ్లు ఓఎస్‌ అప్‌డేట్స్‌, 7 ఏళ్ల పాటు సెక్యూరిటీ అప్‌డేట్స్‌(Security updates) ఇవ్వనున్నట్లు కంపెనీ ప్రకటించింది.

కెమెరా.. ఆప్టికల్‌ ఇమేజ్‌ స్టెబిలైజేషన్‌తో కూడిన 50 MP సోనీ ఐఎంఎక్స్‌ 921 ప్రైమరీ కెమెరాతో పాటు 50 ఎంపీ టెలిఫొటో పెరిస్కోపిక్‌ కెమెరా, 50 ఎంపీ అల్ట్రావైడ్‌ యాంగిల్‌ కెమెరా ఉన్నాయి.

సెల్ఫీలు, వీడియో కాలింగ్‌ కోసం ముందు వైపు 32 ఎంపీ కెమెరా అమర్చారు. సెల్ఫీ కెమెరాతో 60 ఎఫ్‌పీఎస్‌ వద్ద 4k రిజల్యూషన్‌తో వీడియోలు రికార్డ్‌ చేయొచ్చు.

బ్యాటరీ సామర్థ్యం.. 7000 mAh 4th zen సిలికాన్‌ ఆనోడ్‌ బ్యాటరీ అమర్చారు. ఇది 100w ఫాస్ట్‌ చార్జింగ్‌ను, 40w వైర్‌లెస్‌ చార్జింగ్‌ను సపోర్ట్‌ చేస్తుంది.

వేరియంట్స్‌.. రెండు వేరియంట్ల(Variants)లో ఈ ఫోన్‌ను తీసుకువచ్చారు. లెజెండ్‌, ఆల్ఫా బ్లాక్‌ రంగుల్లో లభిస్తోంది.

12 జీబీ, 256 జీబీ వేరియంట్‌ ధర రూ.72,999. ప్రారంభ ఆఫర్‌ కింద బ్యాంక్‌ కార్డులతో కొనుగోళ్లపై రూ.7 వేలతోపాటు అదనంగా మరో వెయ్యి రూపాయల వరకు తక్షణ తగ్గింపు వర్తించనుంది.

16 జీబీ, 512 జీబీ వేరియంట్‌ ధర రూ.79,999. ప్రారంభ ఆఫర్‌ కింద బ్యాంక్‌ కార్డులతో కొనుగోళ్లపై రూ.7 వేలతోపాటు అదనంగా మరో వెయ్యి రూపాయల వరకు తక్షణ తగ్గింపు వర్తించనుంది.

Must Read
Related News