Siddha Rameshwara Temple | సిద్దరామేశ్వరాలయంలో అక్రమాలపై విచారణ జరిపించాలి

అక్షరటుడే, భిక్కనూరు: Siddha Rameshwara Temple | సిద్దరామేశ్వరాలయంలో అక్రమాలపై విచారణ జరిపించాలని దేవాదాయ శాఖ మంత్రి కొండా సురేఖకు (Telangana Endowments Minister Konda Surekha) భిక్కనూరు మండల కాంగ్రెస్​ నాయకులు కోరారు. ఈ మేరకు గురువారం హైదరాబాద్​లో ఆమెకు వినతిపత్రం అందజేశారు. ఈ సందర్భంగా నాయకులు మాట్లాడుతూ ఇటీవల ఆలయం హుండీ లెక్కింపును చేపట్టారని వివరించారు. ఈ సమయంలో అక్కడ ఎలక్ట్రీషియన్​గా పనిచేస్తున్న వ్యక్తి చేతివాటం ప్రదర్శించగా ఆలయ పునర్నిర్మాణ కమిటీ అధ్యక్షుడు పట్టుకున్నారన్నారు. ఈ విషయమై మహేందర్​రెడ్డి ఆలయ ఈవో శ్రీధర్​కు ఫిర్యాదు చేసినా పట్టించుకోలేదన్నారు. చేతివాటం ప్రదర్శించిన వ్యక్తితో పాటు, అతడిపై చర్యలు తీసుకోకుండా నిర్లక్ష్యం చేసిన ఈవోపై చర్యలు తీసుకోవాలని కోరారు.