అక్షరటుడే, హైదరాబాద్: CI transfers : హైదరాబాద్ మహానగరంలోని పలు ప్రఖ్యాత ప్రాంతాలను దృష్టిలో ఉంచుకొని ఠాణాలు, డివిజన్ల పేర్లు మార్చుతున్నట్లు హైదరాబాద్ కమిషనర్ సీవీ ఆనంద్ police commissioner CV anand తెలిపారు. 72వ లా అండ్ ఆర్డర్ పోలీస్ స్టేషన్గా టోలిచౌకి ఏర్పాటు చేశామన్నారు. సెక్రటేరియట్ ఠాణాను లేక్ పోలీస్ స్టేషన్గా, హుమాయున్ నగర్ పీఎస్ను మెహదీపట్నం ఠాణాగా, షాహినాయత్గంజ్ పీఎస్ను గోషామహల్ పోలీస్ స్టేషన్గా మార్చినట్లు కమిషనర్ వెల్లడించారు.
హైదరాబాద్ కమిషనరేట్లో 35 ఏళ్ల తర్వాత పోలీస్ స్టేషన్ల పునర్ వ్యవస్థీకరణ చేపట్టారు. నగరంలో 71 లా అండ్ ఆర్డర్, 31 ట్రాఫిక్ పోలీస్స్టేషన్లు ఉన్నాయి. కాగా, పోలీస్స్టేషన్ల హద్దుల్లో గత రెండేళ్లుగా సమస్యలు ఎదురవుతూ వచ్చాయి. ట్రాఫిక్, లా అండ్ ఆర్డర్ ఠాణాలపై గందరగోళం నెలకొంది. ఈ నేపథ్యంలో ప్రభుత్వానికి నివేదిక పంపగా, మార్పులకు ఆమోదం తెలిపింది. ఈ మేరకు హైదరాబాద్ సిటీ పోలీస్ వెబ్సైట్లో పోలీస్స్టేషన్ల వివరాలను పొందుపర్చుతామని సీపీ సీవీ ఆనంద్ తెలిపారు.
మరోవైపు హైదరాబాద్ పోలీస్ కమిషనరేట్ పరిధిలో ఒకేసారి పెద్ద ఎత్తున సీఐలను బదిలీ ci transfers చేశారు. హైదరాబాద్ కమిషనరేట్ పరిధిలో 146 మంది సీఐలను బదిలీ చేశారు. ఈమేరకు సీపీ ఉత్తర్వులు జారీ చేశారు.
