అక్షరటుడే, ఎల్లారెడ్డి: Indiramma Housing Scheme | పేద కుటుంబాలకు ఇందిరమ్మ ఇళ్లు వరంలాంటివని కలెక్టర్ ఆశిష్ సంగ్వాన్ (Collector Ashish Sangwan) అన్నారు. లింగంపేట(Lingampet) మండలం ముస్తాపూర్ గ్రామంలో లబ్ధిదారు జూకంటి అనితకు ఇందిరమ్మ ఇల్లు మంజూరు పత్రాన్ని అందజేశారు. ఈ సందర్భంగా భూమిపూజ చేశారు. అనంతరం ఆయన మాట్లాడుతూ.. ఇళ్లు లేని నిరుపేదలు ఇందిరమ్మ ఇళ్ల పథకాన్ని సద్వినియోగం చేసుకోవాలని సూచించారు.
Indiramma Housing Scheme | ధాన్యాన్ని త్వరగా మిల్లులకు తరలించాలి
ధాన్యాన్ని త్వరగా రైస్మిల్లులకు తరలించాలని అధికారులను కలెక్టర్ ఆదేశించారు. లింగంపేట మండలం కోమటిపల్లి గ్రామంలో కొనుగోలు కేంద్రాన్ని తనిఖీ చేశారు. పోతాయిపల్లిలో సర్వే నంబర్.89లో భూభారతి (Bhubarathi) కింద దరఖాస్తు చేసుకున్న వారి సమస్యను అడిగి తెలుసుకున్నారు. భూభారతి డెస్క్ను పరిశీలించారు. తనిఖీల్లో అదనపు కలెక్టర్ విక్టర్, జిల్లా పౌరసరఫరాల శాఖ మేనేజర్ రాజేందర్, అధికారి మల్లిఖార్జున బాబు, డీఆర్డీవో సురేందర్, తహశీల్దార్ సురేష్ తదితరులు పాల్గొన్నారు.
