అక్షరటుడే, వెబ్డెస్క్ : London | యూకేలో భారత విద్యార్థి (Indian Student) దారుణ హత్యకు గురయ్యాడు. ఈ ఘటన నవంబర్ 25న చోటు చేసుకోగా.. ఆలస్యంగా వెలుగులోకి వచ్చింది.హర్యాణాకు చెందిన విజయ్ కుమార్ షెరాన్(30) బ్రిస్టల్లోని వెస్ట్ ఆఫ్ ఇంగ్లాండ్ విశ్వవిద్యాలయం (England University)లో చదువుతున్నాడు.
హర్యానా (Haryana), పంజాబ్కు చెందిన కొంతమంది వ్యక్తులు అతనిపై కత్తులతో దాడి చేశారు. తీవ్రంగా గాయపడ్డ విజయ్ను ఆస్పత్రికి తరలించగా.. చికిత్స పొందుతూ మృతి చెందాడు. ఈ కేసులో ఐదుగురు అనుమానితులను పోలీసులు అదుపులోకి తీసుకొని విచారిస్తున్నారు. కాగా విజయ్ ఏడాది క్రితం ఉన్నత చదువుల కోసం యూకే వెళ్లినట్లు కుటుంబ సభ్యులు తెలిపారు.
London | ఉద్యోగం మానేసి..
విజయ్ కుమార్ సెంట్రల్ బోర్డ్ ఆఫ్ ఎక్సైజ్ అండ్ కస్టమ్స్లో ఉద్యోగం చేసేవాడు. ఆ ఉద్యోగానికి రాజీనామా చేసి ఉన్నత చదువుల కోసం ఏడాది క్రితం లండన్ వెళ్లాడు. ఈ క్రమంలో యువకుడిని దుండగులు హత్య చేశారు. విజయ్ కుమార్ మృతదేహాన్ని వీలైనంత త్వరగా భారత్కు తీసుకు రావాలని కుటుంబ సభ్యులు కోరుతున్నారు. ఈ మేరకు వారు విదేశాంగ మంత్రిత్వ శాఖ, హర్యాణా ముఖ్యమంత్రి నయాబ్ సింగ్ సైనీలను సంప్రదించారు. చార్ఖీ దాద్రి జిల్లాలోని బధ్రా సబ్డివిజన్లోని జాగ్రంబాస్ గ్రామానికి (Jagrambas Village) చెందిన విజయ్ సోదరుడు రవి కుమార్ విదేశాంగ శాఖకు లేఖ రాశాడు. సంక్లిష్టమైన విదేశీ విధానాలు, చట్టపరమైన లాంఛనాలు, డాక్యుమెంటేషన్, ఆర్థిక అంశాల కారణంగా, ఈ ప్రక్రియను మా స్వంతంగా నిర్వహించడం చాకు చాలా కష్టమన్నారు. తక్షణ సహాయం కోసం యునైటెడ్ కింగ్డమ్లోని భారత హైకమిషన్కు అవసరమైన ఆదేశాలు జారీ చేయాలని ఆయన కోరారు.
