అక్షరటుడే, ఎల్లారెడ్డి: Independent candidate Siddi Sridhar | నమ్మకంతో ఓటేస్తే.. ఎల్లరెడ్డి పట్టణంలో (Yellareddy Municipality) 8వ వార్డును అభివృద్ధి చేసి చూపిస్తానని స్వతంత్య్ర అభ్యర్థి సిద్ది శ్రీధర్ అన్నారు. ఈ మేరకు పట్టణంలో(Yellareddy City) సోమవారం విస్తృతంగా ప్రచారం నిర్వహించారు.
Independent candidate Siddi Sridhar | సేవచేస్తా.. అవకాశమివ్వండి..
సొంత ఎజెండాతో ప్రజల ముందుకు వస్తున్నానని తనను గెలిపిస్తే మొదటగా వార్డులో మౌలిక సదుపాయాల కల్పనకు కృషి చేస్తానని సిద్ది శ్రీధర్ అన్నారు. 25 ఏళ్లుగా వైద్య సేవలందిస్తున్నానని..రామాలయం, వేణుగోపాలస్వామి ఆలయాల అభివృద్ధి నిర్వాహకుడిగా సేవ చేస్తున్నానన్నారు. స్థానికుడిగా తనకు సమస్యలపై పూర్తి అవగాహన ఉందన్నారు. అందరితో కలుపుగోలుగా ఉంటూ.. నేనున్నానంటూ వార్డు ప్రజల వెంటనే ఉంటానని ఒక్కసారి వార్డు కౌన్సిలర్గా అవకాశం ఇవ్వాలని ఆయన కోరారు. బ్యాలెట్ పేపర్లో 4వ నంబర్లో ఎయిర్ కండిషనర్ గుర్తుకు ఓటువేసి తనను గెలిపించాలని ఆయన కోరారు.
సొంత ఎజెండాతో ప్రజల ముందుకు…
వార్డులో ఆడబిడ్డ పెళ్లి కానుకగా రూ.11వేలు.. ఆడబిడ్డ పుడితే రూ.10వేలు, అంత్యక్రియల ఖర్చులకు రూ.10 వేలు ఇస్తానని సిద్ది శ్రీధర్ పేర్కొన్నారు. నిరుద్యోగ యువతకు ఉద్యోగ అవకాశాలు, ఆర్నెళ్లకొకసారి వార్డులో హెల్త్ క్యాంప్(Health camp) ఏర్పాటు చేసి వైద్యం అందింస్తానన్నారు. మున్సిపాలిటీలో ఎలాంటి పనులైన త్వరగా పూర్తిచేసేలా సహకారం అందిస్తామని.. గెలిచిన 15 రోజుల్లో వార్డులో బాడీఫ్రీజర్ అందజేస్తానన్నారు. దోమల నివారణకు ఫాగింగ్ చేయిస్తానని హామీ ఇచ్చారు. మీ నమ్మకాన్ని వమ్ము చేయకుండా 8 వార్డ్ను అభివృద్ధి పథంలో నడుపుతామని స్పష్టం చేశారు.
