అక్షరటుడే, వెబ్డెస్క్: Ind vs Pak | ఆసియా కప్ 2025 Asia Cup 2025 అండర్-19 (50 ఓవర్ల ఫార్మాట్) ఫైనల్లో చిరకాల ప్రత్యర్థులు భారత్, పాకిస్తాన్ మరోసారి తలపడుతున్నాయి. సుమారు మూడు నెలల క్రితం సీనియర్ జట్ల మధ్య ఆసియా కప్ ఫైనల్ జరిగిన తరహాలోనే, ఇప్పుడు జూనియర్ స్థాయిలో కూడా ఈ రెండు జట్లు టైటిల్ కోసం పోటీపడటం క్రికెట్ అభిమానుల్లో భారీ ఉత్సాహాన్ని నింపింది.
ఆయుష్ మ్హత్రే కెప్టెన్సీలో భారత అండర్-19 జట్టు సెమీఫైనల్లో శ్రీలంకను ఓడించి ఫైనల్కు దూసుకొచ్చింది. మరోవైపు పాకిస్తాన్ అండర్-19 జట్టు బంగ్లాదేశ్ను ఓడించి తుది పోరుకు అర్హత సాధించింది. ఇరు జట్ల ప్రదర్శనతో ఫైనల్ మ్యాచ్ ఉత్కంఠభరితంగా సాగనుందని అంచనాలు వ్యక్తమవుతున్నాయి.
Ind vs Pak | భారత్దే ఆధిపత్యం
భారత అండర్-19 జట్టు ఇప్పటివరకు 8 సార్లు ఆసియా కప్ టైటిల్ గెలుచుకుని రికార్డు నెలకొల్పింది. గత ఏడాది (2024) ఎడిషన్లో కూడా భారత్ ఫైనల్కు చేరినప్పటికీ, బంగ్లాదేశ్ చేతిలో పరాజయం పాలైంది. ఈసారి ఆ చేదు అనుభవానికి ప్రతీకారం తీర్చుకోవాలనే లక్ష్యంతో టీమిండియా India బరిలోకి దిగుతోంది. పాకిస్తాన్ విషయానికి వస్తే, 2017 తర్వాత తొలిసారి అండర్-19 ఆసియా కప్ ఫైనల్కు చేరింది. భారత్–పాకిస్తాన్ అండర్-19 జట్లు చివరిసారిగా 2014 ఫైనల్లో తలపడగా, ఆ మ్యాచ్లో భారత్ 40 పరుగుల తేడాతో విజయం సాధించింది.
Ind vs Pak | ఫైనల్ ఎప్పుడు.. ఎక్కడ అంటే..
మ్యాచ్ తేదీ: ఆదివారం, డిసెంబర్ 21
వేదిక: ఐసీసీ అకాడమీ గ్రౌండ్, దుబాయ్
మ్యాచ్ ప్రారంభ సమయం : ఉదయం 10:30 (భారత కాలమానం ప్రకారం)
టాస్: ఉదయం 10:00 గంటలకు
భారత అండర్-19 జట్టు
ఆయుష్ మ్హత్రే (కెప్టెన్), వైభవ్ సూర్యవంశీ, రాహుల్ కుమార్, వేదాంత్ త్రివేది, విహాన్ మల్హోత్రా, ఆరోన్ జార్జ్, బి.కె. కిషోర్, జగన్నాథన్, కనిష్క్ చౌహాన్, ఖిలన్ పటేల్, యుగ్రాజ్ గోహిల్, అభిజ్ఞాన్ అభిషేక్ (వికెట్ కీపర్), హర్బన్స్ పంగాలియా (వికెట్ కీపర్), ఆదిత్య రావత్, దీపేష్ దేవేంద్రన్, కిషన్ కుమార్ సింగ్, నమన్ పుష్పక్, ఉద్ధవ్ మనీష్ మోహన్, హెనిల్ పటేల్.
పాకిస్తాన్ అండర్-19 స్క్వాడ్
హసన్ బలోచ్, ఫర్హాన్ యూసుఫ్ (కెప్టెన్), సమీర్ మిన్హాస్, ఉస్మాన్ ఖాన్ (వికెట్ కీపర్), హుజైఫా అహ్సాన్, అబ్దుల్ ఖాదిర్, అబ్దుల్ సుభాన్, హమ్జా జహూర్ (వికెట్ కీపర్), అహ్మద్ హుస్సేన్, మహ్మద్ హసన్ ఖాన్, ఉమర్ జైబ్, మహ్మద్ షాయన్ (వికెట్ కీపర్), అలీ రజా, హసనైన్ దార్, ఇబ్తిసామ్ అజ్హర్, మహ్మద్ హుజైఫా, డానియల్ అలీ ఖాన్, మహ్మద్ సాయం, మోమిన్ కమర్, నికాబ్ షఫీక్.
లైవ్ ప్రసారం వివరాలు
అండర్-19 ఆసియా కప్ 2025 ఫైనల్ మ్యాచ్ను సోనీ స్పోర్ట్స్ నెట్వర్క్ ప్రత్యక్ష ప్రసారం చేయనుంది.
టీవీలో: సోనీ స్పోర్ట్స్ 1 ఛానెల్ Sony Sports 1 channel
డిజిటల్లో: సోనీ లివ్ యాప్, వెబ్సైట్ Sony LIV app and website
