అక్షరటుడే, వెబ్డెస్క్ : Stock Market | దేశీయ స్టాక్ మార్కెట్లు (Domestic stock markets) నష్టాలతో వారాంతాన్ని ముగించాయి. శుక్రవారం ఉదయం 138 పాయింట్ల నష్టంతో ప్రారంభమైన సెన్సెక్స్ (Sensex).. ఇంట్రాడేలో గరిష్టంగా 677 పాయింట్లు పడిపోయింది. ఫ్లాట్గా ప్రారంభమైన నిఫ్టీ.. ఇంట్రాడేలో 109 పాయింట్లు కోల్పోయింది. ఆ తర్వాత కనిష్టాలనుంచి కోలుకున్నా రోజంతా నష్టాల్లోనే కొనసాగాయి. చివరికి సెన్సెక్స్ 200 పాయింట్ల నష్టంతో 82,330 వద్ద, నిఫ్టీ (NIfty) 42 పాయింట్ల నష్టంతో 25,019 వద్ద ముగిశాయి. గురువారం లార్జ్ క్యాప్ స్టాక్స్ దూసుకెళ్లడంతో సెన్సెక్స్ (sensex), నిఫ్టీలు పరుగులు తీశాయి. శుక్రవారం గరిష్టాల వద్ద స్వల్ప ప్రాఫిట్ బుకింగ్ కనిపించింది. ఐటీ (IT) స్టాక్స్లో అమ్మకాల ఒత్తిడి నెలకొంది. బీఎస్ఈ ఐటీ ఇండెక్స్ (BSE IT index) ఒక శాతం మేర పడిపోయింది. బీఎస్ఈ ఇన్ఫ్రా, పీఎస్యూ, పవర్, క్యాపిటల్ గూడ్స్, రియాలిటీ ఇండెక్స్లు ఒక శాతానికిపైగా లాభపడ్డాయి. స్మాల్, మిడ్ క్యాప్ స్టాక్స్లో ర్యాలీ కొనసాగింది. డిఫెన్స్ స్టాక్స్(Defence stocks) పరుగులు పెడుతూనే ఉన్నాయి.
Stock Market | రూ. 1.80 లక్షల కోట్లు పెరిగిన సంపద..
బీఎస్ఈలో (BSE) 2,607 కంపెనీలు లాభపడగా 1,380 స్టాక్స్(Stocks) మాత్రమే నష్టపోయాయి. 139 కంపెనీలు ఫ్లాట్గా ముగిశాయి. 83 కంపెనీలు 52 వారాల గరిష్టాల వద్ద ఉండగా.. 27 కంపెనీలు 52 వారాల కనిష్టాల వద్ద కదలాడాయి. 8 కంపెనీలు అప్పర్ సర్క్యూట్ను, 7 కంపెనీలు లోయర్ సర్క్యూట్(Lower circuit)ను తాకాయి. ప్రధాన సూచీలు నష్టాలతో ముగిసినా బీఎస్ఈలో నమోదైన కంపెనీల మార్కెట్ విలువ మాత్రం రూ. 1.80 లక్షల కోట్లకుపైగా పెరగడం గమనార్హం.
Stock Market | Top Gainers..
బీఎస్ఈ(BSE) సెన్సెక్స్ 30 ఇండెక్స్లో 16 కంపెనీలు లాభపడగా.. 14 కంపెనీలు నష్టపోయాయి. ఎటర్నల్ 1.38 శాతం, హెచ్యూఎల్ 1.1 శాతం పెరగ్గా.. ఆసియా పెయింట్, ఐటీసీ(ITC), టాటా మోటార్స్, ఎన్టీపీసీ ఓ మోస్తరు లాభంతో ముగిశాయి.
Stock Market | Top Losers..
ఎయిర్టెల్(Airtel) 2.81 శాతం, హెచ్సీఎల్ టెక్ 2.14 శాతం, ఎస్బీఐ 1.96 శాతం, ఇన్ఫోసిస్(INfosys) 1.46 శాతం క్షీణించాయి. టెక్ మహీంద్రా టీసీఎస్ అరశాతానికిపైగా నష్టపోయాయి.
