అక్షరటుడే, ఇందూరు : Temple Lands | నిజామాబాద్ జిల్లాలో దేవాలయ భూములకు అక్రమ రిజిస్ట్రేషన్లను రద్దు చేయాలని రాష్ట్రీయ వానరసేన డిమాండ్ చేసింది. ఈ మేరకు సోమవారం ప్రజావాణిలో (Prajawani) అసోసియేషన్ ఆధ్వర్యంలో సభ్యులు వినతిపత్రం అందజేశారు.
ఈ సందర్భంగా రాష్ట్రీయ వానరసేన జిల్లా కన్వీనర్ గెంట్యాల వెంకటేష్ మాట్లాడుతూ.. నందిపేట్ (Nandipet) మండలంలోని తల్వేద గ్రామంలో కాకయ్య మందిరానికి దానం చేసిన దేవాలయ భూమిని, ప్రభుత్వ సీలింగ్ భూములను అక్కడి మాజీ సర్పంచ్ (Former Sarpanch) అక్రమంగా తన కుమారులపై రిజిస్ట్రేషన్ చేసుకున్నారన్నారు.
ఈ భూముల్లో మాజీ సర్పంచ్ రైస్మిల్ నిర్మించి స్థానికులకు ఇబ్బందులు కలిగిస్తున్నాడని ఆరోపించారు. ఇప్పటికే ఆర్మూర్ ఆర్డీవో విచారణ (Armoor RDO Investigation) చేసి నోటీసులు జారీ చేశారని పేర్కొన్నారు. అయినప్పటికీ భూమిని నలుగురు కుమారుల పేర్లపై అక్రమంగా రిజిస్ట్రేషన్ చేసినందున, ఆ రిజిస్ట్రేషన్లను రద్దు చేసి, సంబంధిత అధికారులపై చట్టపరమైన చర్యలు తీసుకోవాలని ఆయన డిమాండ్ చేశారు.
