అక్షరటుడే, వెబ్డెస్క్ : IFS Mains Results 2025 | ఇండియన్ ఫారెస్ట్ సర్వీస్ (Indian Forest Service) మెయిన్స్ ఫలితాలను యూపీఎస్సీ విడుదల చేసింది. ఇంటర్వ్యూకు ఎంపికైన వారి జాబితా వెల్లడించింది. వెబ్సైట్లో లిస్ట్ను ఉంచింది.
యూనియన్ పబ్లిక్ సర్వీస్ కమిషన్ (UPSC) ఇండియన్ ఫారెస్ట్ సర్వీస్ (మెయిన్) పరీక్ష 2025 నవంబర్ 16 నుంచి నవంబర్ 23 వరకు జరిగింది. మెయిన్స్ పరీక్షకు హాజరైన అభ్యర్థులు ఇప్పుడు పర్సనాలిటీ టెస్ట్ (ఇంటర్వ్యూ) దశకు తమ అర్హత స్థితిని తనిఖీ చేసుకోవచ్చు. ఫలితాలు మంగళవారం వెలువడ్డాయి. ఎంపికైన అభ్యర్థులకు ఢిల్లీ (Delhi)లోని ధోల్పూర్ హౌస్లో గల యూపీఎస్సీ కార్యాలయంలో ఇంటర్వ్యూలు ఉంటాయి. ఫిబ్రవరి 27 నుంచి మార్చి 13, 2026 ఓఏఎఫ్ సమర్పించవచ్చు. తుది ఎంపిక వయస్సు, విద్యా అర్హతలు, రిజర్వేషన్ క్లెయిమ్లకు సంబంధించిన అసలు పత్రాల ధృవీకరణకు లోబడి ఉంటుంది.
అర్హత కలిగిన అభ్యర్థులందరూ ఆన్లైన్ దరఖాస్తు ఫారమ్ (OAF)లో తమ వివరాలను నమోదు చేయాలి. ఇందులో విద్యా స్థితి, సేవా ప్రాధాన్యతలు, కేడర్ ఎంపికలు ఉంటాయి నిర్ణీత సమయంలోపు ఈ ఫారమ్ను సమర్పించడంలో విఫలమైతే అభ్యర్థిత్వం రద్దు అవుతుంది. ఇంటర్వ్యూ సమయంలో అభ్యర్థులు అసలు సర్టిఫికెట్లను సమర్పించాలి. ఇంటర్వ్యూ (Interview) షెడ్యూల్, ఇ-సమ్మన్ లెటర్లను అధికారిక వెబ్సైట్లో డౌన్లోడ్ చేసుకోవచ్చు. కాగా మొత్తం 231 మంది ఇంటర్వ్యూకు ఎంపికయ్యారు.
