అక్షరటుడే, వెబ్​డెస్క్ : Minister Rajnath Singh | సీమాంత‌ర ఉగ్ర‌వాదాన్ని ఎగ‌దోస్తున్న పాకిస్తాన్‌ను రక్షణ మంత్రి రాజ్‌నాథ్ సింగ్ (Defence Minister Rajnath Singh) తీవ్రంగా హెచ్చ‌రించారు. భారత గడ్డపై భవిష్యత్తులో ఏదైనా ఉగ్రవాద దాడి (terrorist attack) జరిగితే అందుకు బాధ్యులైన వారు తీవ్రమైన పరిణామాలను ఎదుర్కోవాల్సి వ‌స్తుంద‌ని హెచ్చ‌రిక‌లు జారీ చేశారు. ఆపరేషన్ సిందూర్ (Operation Sindoor) ఇంకా ముగియలేదని ఆయ‌న స్ప‌ష్టం చేశారు. ఉగ్రవాదానికి వ్యతిరేకంగా అవసరమైన ఏదైనా చర్య తీసుకోవడానికి భారత్ సంసిద్ధంగా ఉందన్నారు. శనివారం అంతర్జాతీయ యోగా దినోత్సవంలో భాగంగా ఉధంపూర్‌లోని (Udhampur) నార్తర్న్ కమాండ్ లో నిర్వ‌హించిన కార్య‌క్ర‌మంలో ఆయ‌న ద‌ళాల‌తో క‌లిసి యోగాస‌నాలు వేశారు. అనంత‌రం రాజ్‌నాథ్ సింగ్ మాట్లాడుతూ.. భారతదేశంపై “వెయ్యి కోతలు” విధించే వారి దీర్ఘకాలిక విధానం విజయవంతం కాదని ఆపరేషన్ సిందూర్ పాకిస్తాన్‌కు బలమైన సందేశాన్ని పంపిందన్నారు.

Minister Rajnath Singh | ఉగ్ర‌వాదాన్ని స‌హించం..

ఆపరేషన్ సిందూర్ (Operation Sindoor) ఇంకా ముగియలేదని, మ‌ళ్లీ ఏదైనా దాడి జ‌రిగితే తీవ్ర ప‌రిణామాల‌ను ఎదుర్కోవాల్సి ఉంటుంద‌ని ర‌క్ష‌ణ శాఖ మంత్రి తెలిపారు. భారతదేశానికి వ్యతిరేకంగా ఉగ్రవాదాన్ని కొనసాగించడాన్ని సహించబోమని తేల్చి చెప్పారు. “ఆపరేషన్ సిందూర్ అనేది 2016 సర్జికల్ స్ట్రైక్ (2016 surgical strike), 2019 బాలాకోట్ వైమానిక దాడుల‌కు (సరిహద్దు దాటి) సహజ పురోగతి. ఇండియాపై వెయ్యి కోతలు విధించే విధానం విజయవంతం కాదని మేము పాకిస్తాన్‌కు తెలియజేశాము” అని అన్నారు. “భారత గడ్డపై జరిగే ఏదైనా ఉగ్రవాద దాడి (terrorist attack) పాకిస్తాన్‌కు వినాశకరమైనది. ఉగ్రవాదంపై భారతదేశం ఎలాంటి చర్యలు తీసుకోవడానికైనా సిద్ధంగా ఉంది” అని రాజ్‌నాథ్ స్ప‌ష్టం చేశారు.

Minister Rajnath Singh | అంద‌రినీ ఏకం చేయ‌డ‌మే యోగా..

యోగా అంటే ప్ర‌తి వ‌ర్గాన్ని భార‌తీయ సంస్కృతితో (Indian culture) అనుసంధానించ‌డ‌మేన‌ని ర‌క్ష‌ణ శాఖ మంత్రి తెలిపారు. “యోగా అనే పదం నిజమైన అర్థాన్ని కూడా మనం అర్థం చేసుకోవాలి. యోగా అంటే సమాజంలోని ప్రతి వర్గాన్ని భారతదేశ సంస్కృతి, ఆత్మతో అనుసంధానించడం. ఇది యోగా,” అని ఆయన అన్నారు. సాయుధ దళాలతో సన్నిహితంగా ఉండే అవకాశం తనకు లభించిందనన్న రాజ్‌నాథ్‌సింగ్‌.. యోగా పట్ల వారి బలమైన అభిరుచిని గమనించానని చెప్పారు. చాలా మంది సైనికులు క్రమం తప్పకుండా యోగా (Yoga) సాధన చేస్తారని, దాని ప్రభావం వారి క్రమశిక్షణ, దృష్టిపై స్పష్టంగా ప్రతిబింబిస్తుందన్నారు. సైనికులను శారీరకంగానే కాకుండా మానసికంగా కూడా సిద్ధం చేయడంలో యోగా కీలక పాత్ర పోషిస్తుందన్నారు. ఈ సమగ్ర అభివృద్ధి యుద్ధభూమిలో (battlefield) కూడా కనిపించే స్పష్టమైన ప్రయోజనాలను తెస్తుందని చెప్పారు.