అక్షరటుడే, వెబ్డెస్క్:Actor Sriram | డ్రగ్స్ కేసులో నటుడు శ్రీరామ్ అరెస్ట్ అయిన విషయం తెలిసిందే. చెన్నై(Chennai)లో పోలీసులు ఆయనను అరెస్ట్ చేశారు. అనంతరం కోర్టులో హాజరు పర్చగా న్యాయమూర్తి 14 రోజుల రిమాండ్ విధించారు. శ్రీరామ్కు జూలై 7 వరకు చెన్నై ఎగ్మోర్ కోర్టు(Chennai Egmore Court) జ్యుడీషియల్ రిమాండ్ విధించింది. దీంతో ఆయన బెయిల్ పిటిషన్ దాఖలు చేశాడు.
తాను డ్రగ్స్(Drugs) తీసుకున్నాని ఆయన కోర్టులో ఒప్పుకున్నాడు. అయితే తాను ఎవరికి డ్రగ్స్ అమ్మలేదని చెప్పారు. మాదకద్రవ్యాలు తీసుకోవడం తప్పని తెలుసని పిటిషన్లో ఆయన పేర్కొన్నారు. తన బిడ్డ అనారోగ్యంతో ఉన్నాడని బెయిల్ ఇవ్వాలని కోరాడు. విచారణకు సహకరిస్తానని, విదేశాలకు పారిపోనని తెలిపారు. తనకు బెయిల్ మంజూరు చేయాలని కోర్టును అభ్యర్థించాడు. మరోవైపు జ్యూడిషియల్ రిమాండ్లో ఉన్న శ్రీరామ్(Actor Sriram)ను కస్టడీకి ఇవ్వాలని పోలీసులు పిటిషన్ దాఖలు చేశారు. ఈ రెండు పిటిషన్లు విచారించిన అనంతరం కోర్టు ఏం తీర్పు చెబుతుందో చూడాలి.
