అక్షరటుడే, వెబ్డెస్క్ : Hydraa | హైదరాబాద్(Hyderabad)లో మరోసారి హైడ్రా కూల్చివేతలు చేపట్టింది. నగరంలోని కొండాపూర్ సర్వే నెంబర్ 59లో హైడ్రా అధికారులు, సిబ్బంది శనివారం ఉదయం ఆక్రమణలను తొలగించారు.
కొండాపూర్(Kondapur)లోని ఆర్టీఏ కార్యాలయం పక్కన భిక్షపతి నగర్‌లో భూమిపై కొన్నేళ్లుగా వివాదం నడుస్తోంది. 36 ఎకరాల భూమిని కొందరు ఆక్రమించి నిర్మాణాలు చేపట్టారు. ఈ క్రమంలో తాజాగా హైడ్రా(Hydraa) సిబ్బంది భారీ పోలీస్ బందోబస్తు మధ్య నిర్మాణాలను కూల్చివేశారు. కూల్చివేతల దగ్గరికి పోలీసులు ఎవరిని అనుమతించలేదు.
Hydraa | హైకోర్టు తీర్పుతో..
సుమారు 36 ఎకరాల భూమిని కొందరు ఆక్రమించారు. గతంలో దీనిపై రంగారెడ్డి కోర్టు భూమి ప్రైవేట్ వ్యక్తులదేనని తీర్పు చెప్పింది. దీంతో ప్రభుత్వం హైకోర్టును ఆశ్రయించింది. ఆ భూమి ప్రభుత్వానిదేనని ఇటీవల హైకోర్టు(High Court) తీర్పు చెప్పింది. దీంతో హైడ్రా కూల్చివేతలు చేపట్టింది. తాత్కాలిక షెడ్లను ఏర్పాటు చేసి వ్యాపారం చేసుకుంటున్న వారిని అధికారులు ఖాళీ చేయించారు. షెడ్లను తొలగించి చుట్టు ఫెన్సింగ్ ఏర్పాటు చేశారు. కాగా ఈ భూమి విలువ రూ.3,600 కోట్ల వరకు ఉంటుందని అధికారులు తెలిపారు. అయితే 60 ఏళ్లుగా ఆ భూములు తమ ఆధీనంలోనే ఉన్నాయని రైతులు చెబుతున్నారు.
