అక్షరటుడే, వెబ్డెస్క్ : Hyderabad CP Marriage Warning | హైదరాబాద్ సీపీ సజ్జనార్ (CP Sajjanar) యువతులకు జాగ్రత్తలు చెప్పారు. పెళ్లి పేరుతో జరుగుతున్న మోసాలపై అప్రమత్తంగా ఉండాలని ఆయన హెచ్చరించారు.
హైదరాబాద్ (Hyderabad) నగరంలో పెళ్లి పేరుతో జరుగుతున్న మోసాలు ఆందోళన కలిగిస్తున్నాయని సజ్జనార్ అన్నారు. ప్రేమ పేరుతో, పెద్దలు కుదిర్చిన సంబంధాల మాటున కూడా కొందరు యువతులను మోసం చేస్తున్నారని పేర్కొన్నారు. ఇలాంటి ఘటనలపై ఇటీవల హైదరాబాద్ షీ టీమ్స్ (Hyderabad She Teams)కు ఫిర్యాదులు ఎక్కువగా వస్తున్నాయని చెప్పారు.
Hyderabad CP Marriage Warning | బ్లాక్ మెయిల్ చేసి..
కొందరు సంప్రదాయబద్ధంగా పెళ్లి చూపులు, ఆపై ఎంగేజ్మెంట్ జరిపించుకుంటున్నారు. పెళ్లి ఖాయమైంది కదా అనే చనువుతో యువతులకు వారు దగ్గరవుతున్నారు. అనంతరం ఎమోషనల్ బ్లాక్ మెయిల్ చేసి శారీరకంగా లోబచుకుంటున్నారు. తీరా తమ కోరిక తీరాక అసలు రంగు బయటపెడుతున్నారు. పెళ్లి పీటలు ఎక్కాలంటే తమకు భారీగా డబ్బు కావాలని, అదనపు కట్నం ఇస్తేనే తాళి కడతామని డిమాండ్ చేస్తున్నారు. లేదంటే పెళ్లి రద్దు చేసుకుంటామని బెదిరింపులకు పాల్పడుతున్నారు.
Hyderabad CP Marriage Warning | పరువు పోతుందని..
నిశ్చితార్థం జరిగిపోవడం, బంధుమిత్రులందరికీ తెలిసిపోవడంతో.. ఇప్పుడు పెళ్లి ఆగిపోతే సమాజంలో తమ పరువు ఎక్కడ పోతుందోనన్న భయంతో చాలామంది యువతులు, వారి తల్లిదండ్రులు ఫిర్యాదు చేయడం లేదు. వారు అడిగినంత ఇచ్చి పెళ్లి చేస్తున్నారు. పరువు పోతుంది అని భయపడి మౌనంగా ఉంటే, జీవితాంతం నరకం అనుభవించాల్సి వస్తుందని సీపీ పేర్కొన్నారు. నిశ్చితార్థం (Engagement) అయినా సరే, పెళ్లి పీటలు ఎక్కేవరకు అప్రమత్తంగా ఉండాలని ఆయన సూచించారు. యువతులు అబ్బాయి ప్రవర్తన, స్నేహితులు, అలవాట్లపై ఆరా తీయాలన్నారు. పెళ్లికి ముందే ఏకాంతంగా కలవడానికి, శారీరక సంబంధానికి ఒత్తిడి చేస్తే కచ్చితంగా అనుమానించాలన్నారు. శారీరకంగా దగ్గర కావొద్దన్నారు. డబ్బు డిమాండ్ చేసినా, బ్లాక్ మెయిల్ చేసినా తమకు ఫిర్యాదు చేయాలని సూచించారు.
