అక్షరటుడే, వెబ్డెస్క్: kamareddy | కామారెడ్డి జిల్లాను భారీ వర్షాలు తీవ్రంగా అతలాకుతం చేస్తున్నాయి. మంగళవారం రాత్రి ఎడతెరిపి లేకుండా భారీ వర్షం పడుతోంది. కుండపోత వర్షాలు కురుస్తుండడంతో నదులు, వాగులు ఉధృతంగా ప్రవహిస్తున్నాయి.
నిజాంసాగర్ గేట్లు ఎత్తి భారీగా నీరు దిగువకు విడుదల చేస్తున్నారు. ఇక పోచారం ప్రాజెక్టు చరిత్ర అత్యంత ఎక్కువ వరద నీరు ఇన్ఫ్లోగా వస్తోంది. 1.40 లక్షల క్యూసెక్కుల వరద ప్రాజెక్టుపై నుంచి పొంగిపొర్లుతోంది. ఇక అనేక చోట్ల రోడ్లు తెగిపోయాయి. భిక్కనూరు మండలంలో రైల్వే ట్రాక్ కొట్టుకుపోయింది. దీంతో ప్రజలు కాలు బయటపెట్టలేని పరిస్థితి ఏర్పడింది. అనేక చోట్ల రాకపోకలకు అంతరాయం ఏర్పడింది.
అంతేకాకుండా రానున్న కొన్ని గంటల్లో భారీ వర్షాలు కురుస్తాయని వాతావరణ శాఖ తెలిపింది. కామారెడ్డి జిల్లాకు రెడ్ అలర్ట్ ప్రకటించింది. దీంతో విద్యాశాఖ కీలక నిర్ణయం తీసుకుంది. కలెక్టర్ ఆదేశాల మేరకు గురువారం పాఠశాలలకు సెలవు ప్రకటించింది. ఈ మేరకు జిల్లా విద్యాశాఖ అధికారి ఉత్తర్వులు జారీ చేశారు.
