20
అక్షరటుడే, ఇందూరు: Telangana University | తెలంగాణ యూనివర్సిటీలో జరిగిన అక్రమ నియామకాలను రద్దు చేస్తూ రాష్ట్ర అత్యున్నత న్యాయస్థానం హైకోర్టు (High Court) ఇచ్చిన తీర్పుని అమలు చేయాలని ఆల్ ఇండియా ఫార్వార్డ్ బ్లాక్ జిల్లా ప్రధాన కార్యదర్శి రాజు గౌడ్ డిమాండ్ చేశారు.
ఈ మేరకు యూనివర్సిటీ (Telangana University) రిజిస్టార్ ప్రొఫెసర్ యాదగిరికి సోమవారం వినతిపత్రం అందజేశారు. ఈ సందర్భంగా ఆయన మాట్లాడుతూ.. 2012లో అక్రమ నియామకాల రద్దుపై హైకోర్టు ఇచ్చిన తీర్పును అమలు చేయకపోవడం సరికాదన్నారు. హైకోర్టు తీర్పు కాపీ అందలేదని చెబుతూ గత 15 రోజులుగా కాలయాపన చేయడం సిగ్గుచేటన్నారు. ఇప్పటికైనా ఉన్నతాధికారులు స్పందించి తీర్పులు అమలు చేయాలని డిమాండ్ చేశారు. లేకపోతే న్యాయస్థానాన్ని ఆశ్రయిస్తామని చెప్పారు.
