అక్షరటుడే, హైదరాబాద్: local body elections : తెలంగాణలో స్థానిక సంస్థల ఎన్నికలపై నేడు హైకోర్టు (High Court) తీర్పు వెలువరించనుంది. రాష్ట్రంలో గతేడాది జనవరిలో గ్రామ పంచాయతీల(Gram Panchayats) పాలక వర్గం గడువు ముగిసింది. దీంతో గత 17 నెలలుగా గ్రామ పంచాయతీలలో పాలక వర్గాలు లేకుండా నెట్టుకొస్తున్నారు.
ఈ నేపథ్యంలో స్థానిక సంస్థల ఎన్నికలు నిర్వహించాలని తెలంగాణ (Telangana) హైకోర్టులో 6 పిటిషన్లు దాఖలయ్యాయి. దీనిపై రాష్ట్ర అత్యున్నత న్యాయస్థానం విచారణ చేపట్టగా.. 30 రోజుల గడువు కావాలని రాష్ట్ర ప్రభుత్వం(state government) కోరింది. ఈ విషయంలో హైకోర్టులో రాష్ట్ర ఎన్నికల సంఘం (State Election Commission), ప్రభుత్వం, పిటిషనర్లు వాదనలు వినిపించారు. ఈ మేరకు ధర్మాసనం నేడు తీర్పు వెలువర్చనుంది.
