అక్షరటుడే, వెబ్​డెస్క్ : Hero Vishal | తమిళ నటుడు, హీరో విశాల్(Hero Vishal)​ స్టేజీపై స్పృహ తప్పి పడిపోయాడు. దీంతో అభిమానులు ఆందోళన చెందుతున్నారు. తమిళనాడులోని విల్లుపురం జిల్లా కూవాగంలోని కూత్తాండవర్‌ ఆలయ వేడుకల్లో భాగంగా ఆదివారం రాత్రి ట్రాన్స్‌జెండర్ల అందాల పోటీ(Transgender beauty Compititions)లు నిర్వహించారు. ఈ కార్యక్రమానికి ముఖ్య​ అతిథిగా హాజరైన విశాల్​ ఒక్కసారిగా స్పృహ తప్పి పడిపోయారు. అక్కడున్న వారు వెంటనే ప్రథమ చికిత్స అందించడంతో కోలుకున్నారు. అనంతరం ఆయనను ఆస్పత్రికి తరలించారు.

Hero Vishal | అభిమానుల్లో ఆందోళన

హీరో విశాల్(Hero Vishal)​ గత కొంతకాలంగా యాక్టివ్​గా ఉండడం లేదు. దీంతో ఆయన అభిమానుల్లో ఆందోళన నెలకొంది. ఇటీవల ‘మద గజ రాజా’ సినిమా ప్రమోషన్స్‌లో విశాల్‌ నీరసంగా కనిపించిన సంగతి తెలిసిందే. ప్రమోషన్​(Promotion) సందర్భంగా నిర్వహించిన కార్యక్రమాల్లో ఆయన వణుకుతూ కనిపించారు. మాట్లాడడానికి కూడా ఇబ్బంది పడ్డారు. దీంతో ఆయన ఆరోగ్యంపై అప్పుడు అనేక వార్తలు వచ్చాయి. అయితే తీవ్ర స్థాయిలో జ్వరంతో ఆయన ఇబ్బంది పడ్డట్లు చిత్ర యూనిట్​ తెలిపింది. తాజాగా విశాల్​ స్పృహ తప్పి పడిపోవడంతో అభిమానులు ఆందోళన చెందుతున్నారు. అయితే ఆహారం తీసుకోకపోవడంతోనే విశాల్​ కళ్లు తిరిగి పడిపోయినట్లుగా తమిళ మీడియా(Tamil Media) పేర్కొంది.